Matiusu 9:8 - Ma Jou ai Demo-demo o Totobelohoka

⁸ Ho genangoka o nyawa manga ngoe duru yokokiheranga de yokokihawanoo abe ma titi gea idadioka abe duru to ona mata-mata manga hima-himangoka. De hiadono ona iwihigiriiri Ma Jouiye ma titi Una wihidoaka o Yesusika de to Una ai kuaha kohaamoko.

Matiusu 9:8 ပူးပေါင်းရင်းမြစ်များ

Matiusu 12:23

De o nyawa ko manga ngoe genangoka duru yokokiheranga ho yomakokeleha ato, “Ho sarakia, bote o Yesusu naa Una nanga Duduhunu abe ma dodihiraino de Ma Jou wonahibehehongoka ngoneino, de abe o Dautu ai totoforaukuino woboa?” Hokogea abe ipuda manga hiningaka ho hidutu yomakokeleha.

Matiusu 15:31

De o nyawa ko manga ngoe genangoka duru yokokiheranga, angamoi abe ona yomou-mou ona ka idadi yotemo-temo, de abe ona yotalo-talo ka idadioka yotagi irahai, de ona yolugu-lugu ka idadi yomadagi, de abe yorafi-rafi ona gea yomahioriki! Ho ona mata-mata duru iwihigiriiri Ma Jouika abe Una o Isiraele ma nyawa manga Jou.

Matiusu 28:18

De o Yesusu womahitigi iwinii-niikika de wahibehehongo onangika wato, “Ngaro o Horogaka ma kuaha de ngaro o duniakaoo ma kuaha, masara gea mata-mataika ihihidoakoka Ngohino.

Matiusu 5:16

De hokogenangoo ti ngini nia wowangoka de kiani nia datoro ma rorahai nitobadiai la gea idadi hoka o dararono moi onangika abe ka o fufutuokahi yomanoa. De ipaha ma oraha o nyawa yamake nia datoro ma rorahai gea, ona ahao iwihigiriiri nia Babaika o Horogaka.” De hokogea o Yesusu ai hiketero ma demo abe ma titi manga wowango ma datoro.

Matiusu 9:7

De ka itodokanino ka dau de una womaokoiye, de wolio ai tauika!

Maruku 2:12

De una wolugu-lugu ka dau de womahiburahiye, de ai nanao wagoraka de wohupu manga himangoka de waika. De o nyawa manga ngoe genangoka duru yokokiheranga hiadono Ma Jou iwihigiriiri. De yomakoketemo ato, “Ko ma moiuahi ma datoro abe hokonaa ngone hamake!”

Maruku 7:37

De o nyawa manga ngoe-ngoe genangoka duru yokokiheranga de yomakoketemo yato, “Abeika adoo! Una naa ngaro o kia dika ma wakunu wodiai irahai. Ngaro o nyawa yatotopongono ma wakunu wahitogumu la ka idadi yomahiihenoli. De ngaro yomou-mouoo ma Una wodiai la yotemo-temoli.” Hokogea womou-mou ai ade-ade.

Lukasa 13:13

De hokogea wotemo de womiso munangika, de ka itodokanino motogumoka de momarikotiye abe hoka ma dihirali. De motogumoka de ahao muna duru mihigiriiri Ma Jouika o nyawa gea manga hima-himangoka.

Lukasa 17:15

De abe yangimoiino gea naga womatengo ka de wohioriki abe wotogumoka de wigilio o Yesusika. De woboa o Yesusino de ai ilingi waamo-amokiye wihigiriiri Ma Jouika.

Lukasa 17:18

De adodoa ho naa una abe ko o Yahudi ma nyawaua de ka una dika woboaino de wihigiriiri Ma Jouika?”

Lukasa 18:43

Ka de wotemo ibooto de una gea ka idadi womahioriki, de una winii-niiki o Yesusika de wihigogiriiri Ma Jouika. De ona abe yamake gea idadioka, onangoo mata-mataika duru iwihigogiriiri Ma Jouika.

Lukasa 2:20

De o domba yogoa-goana gea yokokilio manga duduonika de duru Ma Jou ai romanga agorakiye abe iwihigogiriiri Unangika. De gea iwihigiriiri mangale duru yosanangi ma titi mata-mataika abe yoihenoka de abe yamakeoka de manga lako. De ona ato, “Igoungu mata-mata gea idadioka duru imaketero hoka o momalaekata inahingahuoka ngoneino.” Hokogea o domba ma gogoana manga higiriiri ma demo.

Lukasa 23:47

De naga womatengo o Roma ma tentara manga hidimono abe ai digi-digino womalega-lega, de una wamake mata-mata abe idadi o Yesusika. De ka de gea wamake de una wihigiriiri Ma Jouika wato, “Abe Una naa wohonengoka, duru tongaku de tohioriki abe Una o totiai ma nyawa!”

Lukasa 7:16

De ona mata-mata genangoka duru yokokihawanoka de ona iwihigogiriiri Ma Jouika ato, “Ma Jou ai kuaha de ai duduhunu duru o wange naa dika de itagi ngoneuku to Una ai nyawauku!” De utu iwihigiriiri ato, “O wange naa Ma Jou wihidingotoka ai uru ma dodofanga nanga hidogoronaino naa, de una duru de ai kuahaka!”

Yohanese 15:8

Hokogea nia wowangoino o nyawa yamake ahi Baba ai medebini ma dararono hiadono onangoo Ma Jou iwigorakiye. Ho Ngohi tohiketero hokonaa tato nia wowangoka naga de ma hofoko kohangoe de gea nimahitaana abe nihinii-niiki Ngohi igou-goungu mangale niogoana nia gogere Ngohioka.”

Hidingoto 11:18

Hokogea o Peturusu ai hitararono ma demo ai gogianongoruika, de abe ma oraha ona yoihene ai demo de ko iwaka manga lawana ma demo ma titi ona ko o Yahudi ma nyawaua. Ho ona duru iwihigiriiri Ma Jouika ma titi gea de yotemo ato, “Igoungu Ma Jou wahidoakoka la ona abe ko o Yahudi ma nyawaua ka idadi yoporete manga howo-howono. De gea ahao ka idadi yamake o wowango ka hiado-adonika Unangoka de aino.”

Hidingoto 21:20

De ona yototoihene ai ade-ade ma demoino de ahao ona iwihigiriiri Ma Jouika ma titi ai datoro wodiaioka. De ahao ona iwitemo o Paulusika ato, “Mia gianongoru, marai ngona nohiorikoka abe nenangoka o Yahudi ma nyawa onangoo duru yosana abe iwingakuoka, de ona mata-mata manga hininga ka itagiohi o Musa ai Paretaika ho ona duru ka yaniikohi.

Hidingoto 4:21

Ho o Isiraele ma nyawa manga hihira gea ka yataerohi ona yahinootoika de manga dodaere ma demo muruono naga, masara ma bahaika de yahigunoa la yoiki yolio dika, angamoi ko yamakeua ma ngekomo la yahohowono onangika, done o huruhara idadi o kokawaahaka. Angamoi ma kokawaaha mata-mataika duru iwihigiriiri Ma Jouika ma titi ma heheranga abe idadi genangoka.

2 Korintusu 9:13

Ho gea imaketero hoka ngini ma hirete nihiboa o higiriiri Ma Jouika, angamoi nia hidoakino gea de nanga gogianongoru ahao iwihigiriiri Unangika. De ona iwihigiriiri angamoi ona ahao yamake ti ngini nia hingounu naga duru ilamoko o Yesusu Kristusu ai Abari ma Rorahaiika. De gea ma titi nia hingounu hiadono ti ngini nia hidailako niahikodoku nia gogianongoru o Yerusaleemika. De ngaro abe ma oraha niaduhunu o nyawa utuikaoo, ma enangoo ihititi nia hingounino.

Galatia 1:24

Ho nanga gogianongoru o Yudea ma tonakoka gea ona duru iwihigiriiri Unangiye ma titi ngohi abe hokokia wodiaioka ahi hiningaka ngohino. De gea ahi ade-ade tinihingahu la ngini ka idadi nihioriki abe o nyawa ko moiua ihidotoko ngohino ma titi o Abari ma Rorahai, masara gea ena Ma Jou dika wohihidoaka.

1 Peturusu 2:12

De kiani nihidodiai la ti ngini nia wowango niao itiai o nyawa manga hima-himangoka abe ona ko iwihiorikuahi Ma Jouika. Angamoi nako niwango nitotiai de o nyawa utu ka initaeohi nginika ato niahowono, de gea ahao o nyawa ka idadi inimake nia datoro ma totiai, de genangino inihioriki ma titi nia hininga ma rorahai. De gea ma bahauku de marai ona utu ahao iwihigiriiri Ma Jouika abe ma titi yomafikiroka ti ngini nia wowango ma datoro de genangino ma titi hiadono ona iwingaku Unangika. Ho mangale ma titi ngini niwango nitotiai de marai ngone hingaku-ngaku utuohi howoe abe ma oraha Ma Jou woboali la wonatailako ngone homoi-homoiino.