Matiusu 9:31 - Ma Jou ai Demo-demo o Totobelohoka

³¹ Masara ona gea yosobo de ihiabari o nyawa mata-mataika ma titi o Yesusu ai kuaha, ho hiadono ma tonaka ma amokika gea de o nyawa mata-mata iwihioriki.

Matiusu 9:31 ပူးပေါင်းရင်းမြစ်များ

Matiusu 14:1

De ma oraha gea de o nyawa ko manga ngoe yomaketeade-ade abe ma titi o Yesusu ai demo de ai heheranga. De hiadono o Yahudi ma nyawa manga koano genangoka, abe to una ai romanga o Herodese Antipasa, unangoo woihenino abe ma titi o Yesusu.

Matiusu 28:15

De ma tentara gea yahimoteke de o Yahudi ma nyawa manga hohidimono manga hidee ho yodafongo ma tiwi gea onangino de yoade-ade o nyawaika abe imaketero hoka yadotokoka onangika. De manga ade-ade gea duru imahikabarihi ka hiadono o Yahudi ma nyawa duru ko manga ngoe yoihene. De ngaro ma oraha naa abe ngohi ahi Abari ma Rorahai ma ade-ade tohitulihukuoka ma ona manga ngoe ka yomaketeade-adeohi manga ngeluku ma ade-ade gea.

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Matiusu 9:26

De gea womihimomiki ibooto ami honengino de ma nyawa genangoka duru yomaketeade-ade ma titi ma heheranga gea hiadono ihiabari o tonaka gea ma amokika.

Maruku 1:28

Ho ma abari abe ma titi to Una ai datoro gea duru imataiti imahora-hora hiadono ihikabarihi o Galilea ma tonaka ma amokika.

Maruku 7:36

De wihitogumu ipaha de ahao o Yesusu wahibehehongo manga ngoe-ngoeika gea wato, “Ho naa idadioka, ho ufa nihingahu-ngahu o nyawa utuika.” Masara ngaro hokokia ma ngoe wohigali-gali wahibehehongo onangika, masara ona ka ihikaika ihidogo-dogo ihingahu-ngahu.

Lukasa 4:14

De ipahaino de o Yesusu wolio o Galilea ma tonakika, de Ma Jou o Womaha ai kuaha duru iwihihira-hira Unangika. De ahao ma nyawa genangoka duru yomaketeade-ade ma titi to Una ai datoro wodiaioka hiadono ona mata-mata ma tonakoka gea iwihioriki ma titi Una.

Lukasa 4:37

De ma abari abe ma titi to Una ai datoro gea duru imahora-hora o tonaka gea mata-mataika hiadono o nyawa mata-mata yokokiihenoka.

Lukasa 5:15

Masara hadongoo de wihibehehongoka unangika gea, masara ma ade-ade abe ma titi o Yesusu ai kuaha utuohi imahora-hora o nyawa-nyawaika. De genangino ma titi hiadono o nyawa duru ko manga ngoe yokokiboaino Unangino la yototoihene ai demoino de abe yomagahoko o duduhunu la ato manga popanyake wahikokitogumoka.

Lukasa 7:17

De ma ade-ade abe hokokia o Yesusu wodiai onangoka o nyawa yomaketeade-ade hiadono imahora-hora o Yahudi ma nyawa manga tonaka mata-mataika de o tonaka utuikaoo yomakoketemo ma titi to Una ai kuaha.