Matiusu 9:30 - Ma Jou ai Demo-demo o Totobelohoka

³⁰ De ka itodokanino de ona yahinooto yomahiorikoka! De gea o Yesusu duru wahuloko onangika wato, “Abe naa idadioka ufa nihiabari o nyawaika ngaro onagonaika dika ma ko idadiua niade-ade.”

Matiusu 9:30 ပူးပေါင်းရင်းမြစ်များ

Yesaya 42:7

De abe ona manga lako yahorioka gea nahitogumu la ka idadi yomahioriki, de onagona dika yabuioka o bui ma tau ma goronaka ho yomanoa o fufutuoka dika, ona ka idadi nahihohe de nahihupu ma rorahaiika.” Hokogea Ma Jou o Yawe wihuloko de wihitagongo ai Huhulokika.

Yesaya 52:13

De Ma Jou o Yawe wahingahu ai nyawaika wato, “Abeika ahi Huhuloko Una ahao ai tagongoka wao itiai hiadono wolaku, de gea Una ahao duru iwigorakiye de iwihigiriiri Unangika!

Matiusu 12:16

Masara abe ma oraha wahitogumu de wahibehehongo onangika wato, “Ko idadiua ngini niade-ade o nyawa utuikali ma titi Ngohi.”

Matiusu 17:9

De ipaha de ahao ona yaruata manga gogiriaka youti o lokuku de o Yesusu wahibehehongo onangika wato, “Abe ngini niamakeoka naa o lokuoka de gea ngarouahi niade-ade o nyawaika. De gea ko niade-adeuahi hiadono Ngohi o Nyawa ma Ngofaka tomomikoka ahi honengino. De tomomiki ipahaino de ahao ngini ka idadi niade-ade o nyawaika.”

Matiusu 8:4

De o Yesusu wihibehehongo unangika wato, “Naa idadioka ngonaika ufa nahingahu-ngahu o nyawa utuika, masara kiani noiki unangika abe ti ngini nia hidemo ma nyawa Ma Jouiye. De ma hidemo gea ai himangoka de nomahimatoko unangika la nomahitaana abe ma oraha naa de ngona notogumoka. De ahao ma hidemo ma nyawa Ma Jouiye gea ka idadi o hingahu moi wodiai la nanga gogianongoru mata-mataika ka idadi ihioriki de iningaku abe nagoungu notogumoka ani kangelaino. De ahao kiani nomahihuba o huhuba moi abe duru imakiniiki hoka o Musa ma dodihiraino wohiparetaka la gea nomahitunguu abe duru notogumoka.” Hokogea o Yesusu wihibehehongo unangika de gea una wosoboka.

Maruku 1:43

De wotogumoka de ahao o Yesusu wihidingoto ma nauru gea la woikohi de womahimatoko womatengoika abe wodadi manga hidemo Ma Jouiye. De ko wosobouahi de o Yesusu duru wihibehehongo wato, “Abe naa idadioka ngonaika ufa nahingahu-ngahu o nyawa utuika ma, noikohi unangika abe nia hidemo Ma Jouiye la nomahimatoko unangika la gea wohioriki abe ngona notogumoka. De kiani nomahihuba o huhuba duru imaketero hoka o Musa wohiparetaka la gea nomahitunguu abe duru notogumoka.” Hokogea o Yesusu wihibehehongo unangika.

Maruku 3:12

Masara o Yesusu duru wataere onangika wato, “Ko idadiua ngini niade-ade o nyawaika ma titi Ngohi.”

Maruku 5:43

De o Yesusu duru wahibehehongo onangika wato, “Nena idadioka ufa niade-ade o nyawaika.” De ahao wotemoli wato, “Naa ka idadi nimihiolomo ngoni ora.”

Lukasa 5:14

De o Yesusu wihibehehongo unangika wato, “Naa abe idadioka ngonaika ufa nahingahu-ngahu o nyawa utuika ma, noikohi unangika abe naga ti ngini nia hidemo Ma Jouiye la nomahimatoko unangika la wohioriki notogumoka. De kiani nomahihuba o huhuba abe duru imaketero hoka o Musa wohiparetaka. La ani huhubaino gea de nomahitunguu abe duru notogumoka.” Hokogea o Yesusu wihibehehongo unangika.

Lukasa 8:56

De ma ngofaka gea ami dimono duru yokokiheranga abe ma titi gea idadioka, masara o Yesusu duru wahitiari onangika wato ko idadiua yoade-ade ma titi abe womihimomikoka manga ora.