Matiusu 9:28 - Ma Jou ai Demo-demo o Totobelohoka

²⁸ De o Yesusu ona yomahiadonoka o tau moi de yowohamika ma goronaika la genangoka yomahiaini, de ona yahinooto yorafi-rafi ka iwihidoo-doduruohi. De hiadono onangoo yowohama ma tau ma goronaika. Ho o Yesusu waleha ona yorafi-rafika wato, “Sarakia, ngini ningaku abe Ngohi ka idadi tinihitogumu la hiadono nimahioriki?” De ona yahinooto yopaluhu ato, “Iya, mia Baluhu, ngomi naa mingaku abe Ngona ka idadi nomihitogumu.”

Matiusu 9:28 ပူးပေါင်းရင်းမြစ်များ

1 Kokoano 17:16

De gea angamoi ami tarigu ma botoka gea ko imataua de ami saitunu ma minya ma botoka enangoo ko imataua duru imaketero abe hoka Ma Jou o Yawe ai behehongo onangika abe wihiakunu ai uru ma dodofanga o Eliaika la womihingahu munangika.

Matiusu 13:1

De ma wangeoka gea abe o Yesusu ngoi meme de ai doo-dodoto iwitutumu de bootino ahao Una ma tauoka de wosobo ho woiki o Galilea ma akere ma ngooto ma ngigoroka. De ma ngigoroka gea wogogeruku la wadotoko o nyawaika.

Matiusu 13:36

De ipahaino de o Yesusu wadotoko ibooto o nyawa ko manga ngoeika gea ho Una de abe iwitobanii-niiki ona yokokiwohama ma tau ma goronaika. De genangika yowohamoka de ona iwinii-niiki yomagahoko o Yesusika ato, “Mia Baluhu, marai ngomi migahoko la Ngona nomihitararono ngomino ma hiketero kangano ma titi. Abe ma hiketero ma goronaka de notemo nato womatengo ai redioka de naga o ruruubu duru kohangoe. Gea ena done ma titi o kia?”

Matiusu 13:58

Ho o Yesusu ai kapongoka gea de hatoli ko iwa manga ngongaku Unangika, ho ko wodiaiua o heheranga genangoka, bowahu naga o nyawa yamuruono naga dika abe o heheranga wodiai la waduhunu onangika.

Matiusu 8:14

De ipahaino de o Yesusu woboa o Peturusu ai tauino. De genangoka womimake o Peturusu ngoi toroa abe muna duru imigogama, ho muna momaidu-idu dika ami koioka.

Matiusu 8:2

De abe wouti ai gogiriaka de ka itodokanino womatengo iwipado woboa o Yesusino de watilabukuku ai himangoka la wihoromati Unangika. De iwipado gea womagahoko wato, “Ahi Baluhu, nako Ngona nomodeke, ngohi tohioriki Ngona ka idadi nohiduhunu la hiadono ka idadi totogumu.”

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Matiusu 9:27

De o Yesusu de iwinii-niiki ona ma hibaluhu ai tauoka de yosobo, de naga o nauru yahinooto yorafi-rafi abe iwihidoo-doduru ai poretino. De ona yahinooto yopoa-poaka o Yesusika ato, “Mia Baluhu o Yesusu! O Dautu ai Toforauku! Ngomi mimagahoko la Ngona nomidorahi de nomiduhunu ngomi naa!”

Matiusu 9:29

De ahao Una waso to ona manga lakoika de wotemo wato, “Mangale ma titi ti ngini nia ngongakuino ho gea hiadono nitogumoka.”

Yohanese 11:26

De onagona dika yowango abe ihingaku Ngohino, ona ko yohonengua ka hiado-adonika.” De womileha munangika wato, “Nako ngona naa ka nongaku?”

Yohanese 11:40

De o Yesusu wopaluhu munangika wato, “Marai ngona nawohangoka abe tonihingahu kangano, tato nako ngona nangaku ahao namake Ma Jou ai medebini ma dararono?”