Matiusu 9:18 - Ma Jou ai Demo-demo o Totobelohoka

¹⁸ De o Yesusu Una wotemo ai gogiriakahi abe o Yohanese Wotobaohi-ohiki iwinii-niikika de naga womatengo woboa Unangino. Abe una gea o Yahudi ma nyawa manga dodotoko ma tau ma hibaluhu. Ho una woboaino de watilabukuku o Yesusu ai himangoka de wihingahu Unangika wato, “Marai to ngohi ngohi ora ahao naa mohonengoka. Ho ngohi togahoko Ngona nohiniiki de nomiso de ani giama, angamoi ngohi tohioriki Ngona ka idadi nomihimomiki ami honengino la mowangoli.”

Matiusu 9:18 ပူးပေါင်းရင်းမြစ်များ

2 Kokoano 5:11

Masara o Elisa ai behehongo gea o Naamana woihene de duru wongamo de duru womakode wolio ai poretoko de wato, “De ngohi tato bote Ma Jou ai uru ma dodofanga gea ahao wohupu wohitutumu! De iti una de ai giama wohikelu-kelu la daku ahi pado ma nabo-nabo ma lokuino de womagahoko de Ma Jou o Yawe ai romanga la to una ai Jou gea wohihitogumu!

Matiusu 14:33

De ona iwinii-niiki o ngotiroka gea yomakokihuba Unangika de ato, “Ngona naa duru igou-goungu Ma Jou ai Ngofaka!”

Matiusu 15:25

Masara muna gea ko mosoboua ho ka ino dika momahitigi o Yesusu ai himangino de matilabukuku genangoka. De gea ka momagahokohi o duduhunu mato, “Ahi Baluhu, duru tomagahoko la Ngona nohiduhunu ngohi!”

Matiusu 17:14

De ipahaino o Yesusu de yaruange iwinii-niikino yomahiadonoka manga dodiawouku de yamake o nyawa yowoe-woe yomatoomuino genangoka. De naga womatengo onangino woboa o Yesusino de watilabukuku ai himangoka.

Matiusu 20:20

De ipahaino de o Sebedeusu ai ngofaka yahinooto o Yakobusu de o Yohanese, abe o Yesusu iwinii-niiki yangimoi de yahinootoino, ona de manga meme yoboa o Yesusino. De manga meme matilabukuku o Yesusu ai himangoka la mato mogahoko moi Unangino.

Matiusu 28:17

Ho ona yomahiadonoka genangika de yomakamake de o Yesusu, ho yomahuba-huba Unangika. De barikua yomahuba Unangika ma naga utu onangino abe ka ikurangohi yongaku abe Una wagou-goungu womomikoka!

Matiusu 8:2

De abe wouti ai gogiriaka de ka itodokanino womatengo iwipado woboa o Yesusino de watilabukuku ai himangoka la wihoromati Unangika. De iwipado gea womagahoko wato, “Ahi Baluhu, nako Ngona nomodeke, ngohi tohioriki Ngona ka idadi nohiduhunu la hiadono ka idadi totogumu.”

Matiusu 8:25

Ho ona iwinii-niiki yoiki Unangika de iwitumomiki ma titi iwiboa-boaka ato, “Mia Baluhu, Ngona kiani nomiduhunohi done inalutu!”

Matiusu 9:17

De ma moioli o Yesusu wohiketero wato, “Abe nako naga o angguru ma teongo ka ma hungiohi, gea ko idadiua hoguhe o popojeuku abe ma popoje gea ma dekanoka, done ahao ma teongo ihaga de ma popoje ma dekana ipotoka, de gea ahao ma teongo ikopoaka de ma popojeoo duru iwederoka. Ho nako ma teongo ma hungi, kiani hoguhe o popoje ma hungiuku, angamoi done nanga angguru ma teongo ipoaka de ihihangoka de nanga popojeoo duru iwederoka.” De hokogea o Yesusu wohiketero la wadotoko abe ko idadiua o hirahi ma dodotoko imakasapuru de to Unangoli ai dodotoko ma hungi gea.

Matiusu 9:19

De o Yesusu womodeke ho Una de iwinii-niiki yosobo la iwiniiki ma hibaluhu ai tauika.

Matiusu 9:24

De ona gea o Yesusu wamake de ahao wahuloko ona mata-mataika wato, “Ngini nikokihupuoka ma tauoka naa! Angamoi o ngofeka naa muna ko mohonengua, masara ka imikiookoka dika.” De ona manga ngoe genangoka ka de yoihene o Yesusu ai demo gea de iwigie-giete dika Unangika.

Lukasa 13:14

Masara o dodotoko ma tauoka ma hidimono una ai hiningaka de duru wongamoholi ma titi o Hiaini ma wangeoka de o Yesusu womihitogumu munangika. De ma hidimono gea wotemo o nyawa yowoe-woeika wato, “Ngini nihioriki to ngone nanga Pareta, abe inahitiari ato naga o wange butaangaino abe ka idadi hokarajaanga, masara o Hiaini ma wange ko idadiua. Ho abe nginioka nioigo niato nitogumu nia kokangelaino, gea ngini kiani niboa ka o wange ma homoa dika, ma ufa niboa o Hiaini ma wangeoka la niato inihitogumu nginika!”

Lukasa 18:18

De ma moiukuoli de naga womatengo o Yahudi ma nyawa manga hidimono woboa o Yesusino de wileha Unangika wato, “Ahi Guru duru ma rorahai, naa moi tonileha Ngonaika. Sarakia, ahi wowangoino de o kia todiai la genangino de ka idadi o wowango ka hiado-adonika ngohi tamake?”

Lukasa 7:2

De genangoka naga o Roma ma tentara manga haeke womatengo abe to una ai gilaongo duru iwigogama de ngade-ngade wohonenge ma titi ai panyake gea. De ma tentara manga haeke duru widora ai gilaongika gea.

Yohanese 11:25

De o Yesusu wotemoli munangika wato, “Ngohi naa o momomiki de o wowango, onagona dika ihingaku Ngohino ngaro yohonengoka ma ahao yowangoli.

Yohanese 11:32

De o ngo Maria momahiadonoka o Yesusika de matilabukuku ai louoka de motemo mato, “Ahi Baluhu, nako Ngona naga nenangoka tanu ahi iranga ko wohonengua.”

Hidingoto 13:15

De manga biaha gea manga doomu ma getongo de naga yobasa o Musa ai bukuino o hidoku moi de ahao abe Ma Jou ai uru ma dodofanga ma bukuino enangoo o hidoku moi yobasa. De ma wange gea manga biaha yaniiki, ho yobasa ibooto Ma Jou ai Demo-demoino. De ahao ona abe yahihira-hira yahuloko manga nyawa la manga demo naa yahingahu o Paulusu de o Baranabasika ato, “Mia gogianongoru, nako naga moi nia higaro ma demo abe nioigo nimihikodoku ngomino, gea ka idadi niaino de nimihikodoku!”

Hidingoto 28:8

De ma oraha gea naga o Puliusu ai baba wopanyakeuku, abe iwigogama de ai pokoro duru iodiri hiadono womahupu-hupu. De o Paulusu woiki witutumu unangika de wigahoko Ma Jouiye de wifokumu, de o Puliusu ai baba gea wotogumoka ai kangelaino!