Matiusu 7:28 - Ma Jou ai Demo-demo o Totobelohoka

²⁸ De hokogea o Yesusu ai demo wohibobaha abe wadotoko manga ngoe-ngoeika o loku ma geleforino gea. De ona ko manga ngoe abe yotoihene ai dodotokika, ona duru yoheranga ai demoika gea.

Matiusu 7:28 ပူးပေါင်းရင်းမြစ်များ

Matiusu 11:1

De o Yesusu wahibehehongo ipahaino iwitobaniiki yangimoi de yahinootoika de ahao ona yosobo. De ona yosoboka de ahao Unangoo wosobo woiki o kapo-kapongika o Galilea ma tonakoka la o nyawaika wadotoko de duru wahigaro onangika de to Una ai dodotoko ma demo.

Matiusu 19:1

De ipaha o Galilea ma tonaka o Yesusu de iwinii-niiki yanoaika de gea yotagi-tagi de yoiki o Yudea ma tonakika. De manga dodagi ma goronaka yomahiadono o Yorodani ma akeroka, ho ma akere gea yomahihoraika.

Matiusu 22:33

De abe ona yowoe-woe genangoka yototoihene o Yesusu ai dodotoko ma demo de duru yoheranga ai demoika gea.

Matiusu 26:1

De ipahaino abe o Yesusu wodotoko ibootino de ahao wahingahu iwinii-niikika wato,

Matiusu 7:27

De to una ai tau gea nako ma awana ma rikimi de ma nguihi de ma rato ma buturungu yadaene enangika, gea ahao duru ikokitoropahoka. De hokogea ona abe ko ihingounua ahi demoika gea.”

Matiusu 7:29

Angamoi to Una ai dodotoko ma demo duru ko imakadaenua abe hoka onangoli yotobadotoko o Musa ai Paretaino manga dodotoko ma tau-tauoka. Abe ma oraha o Yesusu wadotoko onangika de ka idadi iwihioriki abe to Una naga ai kuaha ma gou-goungu, ho duru yomakohowono Una de o nyawa utu abe yotobadoto-dotoko, angamoi duru ka Unangohi naga de ai kuahaka.

Maruku 1:22

De ona genangoka duru yokokiheranga ma titi ai dodotoko ma demo naga de ma kuahaka. Ho ona yotemo ato, “Duru imakohowono abe ona yotobadoto-dotoko o Musa ai Paretaino inatobadotoko de abe hoka Una naa wonadotoko Ma Jou ai Demo-demoino. Abe Una naa ai demo duru de ma kuahaka wonadotoko!”

Maruku 11:18

De o nyawa yowoe-woe genangoka o Yesusu wahiheranga ma titi ai demoino gea onangika. De ona abe yodadi manga hidemo ma nyawa yokokurutiye Ma Jouika de ona abe yotobadoto-dotoko o Musa ai Paretaino, onangoo naga yoihene ai demo gea de yamake abe yowoe-woe duru wahiheranga. Ho ona gea yohawanoka de yomakoketemo ato, “Done naa o kokawaaha ahao ko inaniikokaua.” De gea yomulaengoka iwihidee la ato o Yesusu iwitoma.

Maruku 6:2

De ipaha ai kapongoka de ahao o Hiaini ma wange adonoka ho Una wodotoko o Yahudi ma nyawa manga dodotoko ma tauoka. O nyawa ko manga ngoe iwitoihene de hiadono yokokiheranga de yomakokeleha ato, “O kiaino gea mata-mata wamake? Una naa duru wotobahioriki! De o kiaino ai hiakunu hiadono wodiai o heheranga?

Lukasa 19:48

Masara ona yokangela yamake ma ngekomo angamoi o nyawa yowoe-woe duru yototoihene o Yesusu ai demo mata-mataika, ho ko idadiuahi o Yesusu iwitaoko.

Lukasa 2:47

De o nyawa abe yoihene to Una ai demoino ona mata-mata duru yokokiheranga ma titi to Una ai sosawaro de ai babaluhu ma demo ona yotobadoto-dotokika.

Lukasa 4:22

De ona mata-mata genangoka duru yososanangi ai dodotoko ma demoika de yokokiheranga ma titi ai demo ma hohailoa ai uruoka de aiye wohibengaiye duru ma rorahai. Masara nagali utu genangoka abe ona yomakokeleha ato, “Naa hoihenoka done sarakia? Angamoi done una naa ka o Yusupu ai ngofaka dika? Ho done sarakia una wato ma datoro ma rorahai gea una ka wakunu wodiai?”

Lukasa 4:32

De onangoo duru yoheranga ma titi ai dodotoko ma demoika, angamoi to Una ai demo naga de ma kuahaka.

Lukasa 7:1

De o Yesusu ai dodotoko ma demo wabooto o nyawaika abe o tonaka ma dolaka gea de ahao Una wogilio o Kapenaumu ma kapongika.

Yohanese 7:15

De o Yahudi ma nyawa manga balu-baluhu duru yoheranga ai dodotokika hiadono yomakokeleha ato, “Onagona iwidotoko hiadono ai dodotoko ma tobahioriki hokonaa? Angamoi Una gea ko ma moiuahi womadotoko onangino abe yotobadoto-dotoko o Musa ai Paretaino.”

Yohanese 7:46

De ona yomademo manga balu-baluhika ato, “Una gea ai demo duru imakohowono de to ngone nanga demo! Duru ko ma moiuahi naga o nyawa yotemo-temo hoka Unangoli wotemo-temo.” Hokogea ona abe yotobagoa-goana Ma Jou ai Tau yomademo.