Matiusu 6:7 - Ma Jou ai Demo-demo o Totobelohoka

⁷ “De abe ma oraha nimaniata ufa ka nifeto-feto dika abe de nia demo ma ngoe abe hoka ona ma homoaika yomahijou manga niniata. De ona gea yafikiri abe nako manga niniata ma demo ihigali-galioli de genangino ma titi hiadono ahao yamake ma babaluhu manga niniatino gea.

Matiusu 6:7 ပူးပေါင်းရင်းမြစ်များ

Matiusu 18:17

“De nako hiadono ma hinooto nihidaere ai howono masara una ka wolukohi wodafongo nia demo, gea ahao kiani niao nia dodaere o garejaika de niahingahu onangika la ona ka idadi yomaputuhu nako una gea igou-goungu wahowonoka eko koua. De nako ona yomaputuhu ato wahowonoka masara una wahowo-howono ka wolukohi wodafongo to ona manga putuhu ma demo ho ko womangakuahi, gea ahao ngini mata-mata kiani niwihitingaka nginino. La gea niwiao abe imaketero hoka o nyawa ko iwihiorikua Ma Jouika eko abe hoka ona yotobagahoko o pajaka ma tiwi abe ti ngini nia hininga duru ko nimaketedodiawoua onangika.”

Matiusu 26:39

De o Yesusu woiki hatoli watingakika yaruange gea de womamotumuku womaniata Ma Jouiye wato, “Ahi Baba, nako ka idadi, iti ufa gea ahi kangela abe itigioka idadi Ngohino. Masara iti ufa to Ngohi ahi hininga ma mau naniiki, masara tato Ngona dika Baba ani mau naniiki.”

Matiusu 26:42

De wotemo ibooto de woikokali ai dingiika de womaniatoli wato, “Ahi Baba, nako ko idadiua Ngona nagoraka ahi kangela naa Ngohioka de aino ma kiani tohimanga dika, gea iti to Ngona ani mauoka dika de aino naniiki.”

Matiusu 26:44

Ho Una woikoli ai dingiika de womaniatoli Ma Jouiye, de ai demo imaketero abe hokokanganoli ai demo Unangiye.

Matiusu 6:32

Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba o Horogaka Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nihuha nia wowango ma hidailakoika.”

Hidingoto 19:34

Masara ipahaino abe ma nyawa iwihioriki una o Yahudi ma nyawa de ka yoluku yoihene ai demoika ho ihigali-galioli yopoa-poaka abe manga demo imaketero hoka ma dihirainoli. De gea o takoro hinootoino abe ona ka ihikaika yopoa-poaka ato, “O Efesusu nanga jou o ngo Aratemisi muna duru mokokurutiye! O Efesusu nanga jou o ngo Aratemisi muna duru mokokurutiye!” Ka hokogea dika ihigali-gali manga demo.