Matiusu 6:6 - Ma Jou ai Demo-demo o Totobelohoka

⁶ “Masara abe ngini naa ma oraha nimaniata Unangiye, koaho ngini nimatingaka o nyawa utuino la ngini ka nimatengoka dika de o nyawa utu ko inimakeua. De genangoka ahao nimaniata ti ngini nia Babaiye. De ngaro ngini nimagogonoka la ufa o nyawa inimake masara Unangoka ko iwa o dogogono angamoi Una mata-mataika wamake. Ho Una gea ahao winimake ma oraha nimaniata de ahao wabalaha nginika ma titi nia niniatino gea.”

Matiusu 6:6 ပူးပေါင်းရင်းမြစ်များ

2 Kokoano 4:33

Ho una wowohama ka womatengo dika de ai kamara ma ngorana watatoko de ahao womaniata Ma Jou o Yaweiye.

Higiriiri 34:15

Ona gea abe manga datoro itiai Ma Jou o Yawe duru wagoana onangika, Womalega onangika de wahigihene nako o duduhunu yomagahoko.

Matiusu 14:23

De o nyawa ko manga ngoe gea wahulokoka de Una woiki o lokuiye wodoa la wato womaniatohi. De ahao ifufutuku de o Yesusu Una ka womatengokahi o lokuokahi.

Matiusu 6:18

De gea nako nia biaha ka nianiikohi, de ahao o nyawa ko inihiorikua abe ngini nipuaha. De gea ahao ka nia Baba dika winihioriki, angamoi Una gea o datoro o kia dika mata-mataika wamake, abe ngaro nimatohi-tohiki de nidiai eko koua. Ho Una gea ahao winimake ma oraha nipuaha de ahao winihidoaka nia balaha ma utumu nginika abe ma titi nia datorino gea.”

Matiusu 6:4

De ahao ngaro o nyawa utu duru ko inihiorikua ma titi nia duduhunu gea abe niahidoakoka, masara ti ngini nia Baba Una gea ka idadi winihioriki, angamoi moioo ma ko iwa abe Una ko wamakeua. Ho Una gea ahao wamake de gea winihibalaha de nia hidoaka nginika ma titi nia datoro ma rorahai gea.”

Yohanese 1:48

Ho gea woihene de o Natanele wileha o Yesusika wato, “Hobata, o kiaka homakamakeoka hiadono Ngona nato nohihioriki ngohi naa?” De o Yesusu wipaluhu unangika wato, “Gianongoru, kangano o Filipusu ko woniahokuahi de Ngohi tonimakeokau abe ngona o gota o gogilioro gea ma timiuku nomafofongika, nogogeruku.”

Yohanese 20:17

De ahao o Yesusu womihingahu wato, “Maria, ma oraha naa ko idadiuahi nohigagaoika angamoi Ngohi ko toliouahi o Babaiye. Ho naa ngona noikohi abe ahi doo-dodotika natutumu de naga ahi demo abe nadotaka onangika. Ho ngona nahingahu nato, ‘Nanga Baluhu wato, “Ngohi ahao togoraka daku to Ngohi ahi Babaiye de ti nginioo nia Babaiye.”’ Hokogea ahi behehongo abe toigo la ngona nadofanga onangika.”

Hidingoto 10:30

De o Koroneliusu wopaluhu wato, “Ma futu iata abe o bimaowaka o takoro hange de ngohi naga ahi tauoka tomaniata. De ka itodokanino naga womatengo womaokoino ahi himangoka de ai baju duru de ma dararonoka.

Hidingoto 10:9

De ma dawangeino de ona yaruange gea ngade-ngade yomahiadono o Yope ma kapongika. Masara ko yomahiadonuahi de doka o Yopeoka o Peturusu wodoaiye o tau ma lokuiye abe ma baka-baka gea la womaniata genangoka. De itigioka o wange ikorona

Hidingoto 9:40

De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.

Roma 8:5

Ho igoungu abe nako nanga wowangoka de hapake Ma Jou o Womaha ai kuahaino, gea nanga hininga ka ihikaika itagi to Una ai mauika. De nako hokogea nanga hininga itagi Unangika, de ahao nanga wowango duru irahai abe ma titi imakiniiki de Ma Jou ai mau, de ka idadi nanga hininga duru iriidi Unangoka. Masara nako o nyawa abe ka yaniikohi manga badanga ma hafini ma dorouika, ona gea manga hininga de manga wowango duru imakohowono. Abe ona manga hiningaka de ka ihikaika yongano-nganono manga hafini ma dorou. De ahao ona gea ka o hone-honenge dika yamake abe yomakitingaka Ma Jouoka de aino.

Efesusu 3:14

Ho mangale ma titi abe to Una ai owa duru kohaamoko wonahidoakoka ngoneino la hodadi moi ai himangoka, ho naa ngohi tatilabukuku de tomaniata nanga Babaiye.