Matiusu 6:32 - Ma Jou ai Demo-demo o Totobelohoka

³² Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba o Horogaka Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nihuha nia wowango ma hidailakoika.”

Matiusu 6:32 ပူးပေါင်းရင်းမြစ်များ

1 Kokoano 19:6

De o Elia womatodokana de womalega arihononga de naga wamake o roti ai datekoka ka ma hau-haukohi o hakaru ma baka-baka ma lokuoka de o boto moi aomanga de o akere! De una wolomo de wokere ibooto de womaiduokali.

Higiriiri 103:13

De Ma Jou o Yawe ka idadi to Una ai hininga hohiketero Abe imaketero hoka o ngofa-ngofaka manga baba ai hininga onangika. Abe Ma Jou o Yawe ai hininga ka ihikaika duru ibole ngoneino, Abe iti ka ihikaika nanga horomati ma modongo naga Unangika.

Matiusu 6:8

De ngini naa ngaro ufa dika nimaaduru abe hoka onangoli manga demo ma ngoeika, angamoi ngaro ma oraha ko nifetonguahi ho ko nimaniatuahi nia Babaiye de winihiorikokau ti ngini homoi-homoi nia perelu.”

Lukasa 12:30

Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nipusingi nia wowango ma hidailakoika.

Efesusu 4:17

Ho naa ngohi tinitemo de tinihitiari nginika abe ahi demo naa ihititi de nanga Baluhu ai kuahaka de aino ngohioka. Ho naa tinihitiari tato ibootohi niwango imaketero hoka ona yowango abe ko iwihiorikua Ma Jou, angamoi ona gea manga hininga ma dolaka gea duru ko kia-kiaua ma titi.

Filiipi 4:19

De nako nginioka naga nia perelu eko nia kuranga o kia dika naga, ma, ngohi tonganono ahao ahi Jouoli ti ngini nia perelu gea winihingodumu nginika. De ai hidailako gea nginika, gea ko idadiua ikuranga, angamoi o Yesusu Kristusoka de aino iboa. Abe Unangoka ma hidailako naga itou-touniye hiadono ko iwa ma baha, de gea ma titi ngohi duru tonganono ahao ti nginioli nia hidailako duru ingodu-ngodumu hiadono ko iwa ti ngini nia kuranga.