Matiusu 6:26 - Ma Jou ai Demo-demo o Totobelohoka

²⁶ “De gea tanu ngini nimaketero dika abe hoka o totaleo daku ma hoanino. Abe ma totaleo gea ngaro ufa dika ma inomo imadatomo de ngaro ufa yodamaa hiadono o gugutuku ma oraha. De gea ena ngaro ufa imadoomu ma inomo abe to ena ma ngioka la ahao naga to ena ma inomo. Angamoi ti ngini nia Baba o Horogaka Una gea ahao wohidailako to ena ma inomo ma totaleoika. De nako ngini naa de ma totaleo, gea duru ka nginiohi nikurutiye Ma Jou ai himangoka. Ho mangale ma titi Una wohidailako enangika to ena ma inomo, ho hongoli ngini ka idadi nihioriki abe ti nginioo nia inomo ahao winihidailako nginika.”

Matiusu 6:26 ပူးပေါင်းရင်းမြစ်များ

Dodadi 6:21

De ti ngini nia inomo de o aewani ma inomo irupa-rupa abe naga, gea natoomuino de ka ma moi nanoa o kapa ma goronaka.” Hokogea Ma Jou ai behehongo o Nuhika.

Matiusu 6:32

Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba o Horogaka Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nihuha nia wowango ma hidailakoika.”

Matiusu 7:9

“De ngini o dimo-dimono, tinileha moi nginika. Abe ma oraha nia ngofaka yoboa nginika de yomagahoko o roti, sarakia, ngini niahidoaka o hakaru onangika? Koua!

Lukasa 12:18

De ahao womatemo wato, ‘Aa, hokonaa ma ngekomo. Ngohi kiani takilianga ahi rawongo ma tau la tohigoko ma tau abe ka utuohi ilamoko, de tohigoko ibooto de ahao ka idadi ahi redi ma hasili de ahi kiahonanga mata-mata tohingohama doka ma tau ma hungi ma goronaika.