Matiusu 6:23 - Ma Jou ai Demo-demo o Totobelohoka

²³ “Masara nako nia hininga itorou abe nioluku niolega o nyawa utu manga pereluika, gea de ahao nia hininga ifufutuoka de duru ko iwa nia badanga ma datoro ma owa nia wowangoka.” “De gea ho Ngohi tato nako o nyawa manga hininga ko itagiua o nyawa utuika, gea imaketero manga hiningaka duru ihidofufutuoka angamoi ko iwa Ma Jou ai dararono gea ma goronaka.”

Matiusu 6:23 ပူးပေါင်းရင်းမြစ်များ

Matiusu 20:15

De naa tonileha, sarakia, ko idadiua to ngohi ma hirete ahi tiwi de ngohi tomaputuhu de tohiaturu abe hokokia ahi hininga adaene? De sarakia, gea itiai abe ani daleana ipuda ani hiningaka mangale ma titi ngohi tosanangi tohifoloi tahidoaka o nyawa utuika? Marai gea ani hininga ko itiaiua, e?’”

Matiusu 6:22

“De nia hininga gea tanu ihiaturu ti ngini nia badanga ma datoro. Abe ma titi nako nia hininga irahai la hiadono niolega o nyawa manga pereluika, gea de ahao nia badanga ma datoro enangoo duru irahai nia wowangoka.”

Lukasa 11:34

Ho hokogenangoo abe nako ti ngini nia hininga itagi ka Ma Jouika dika, gea ka idadi totemo tato nia hininga ma lako duru itararono. Abe gea ma titi ti ngini nia badanga ma datoro enangoo irahaioka hiadono niolega irahai o nyawa manga pereluika. Angamoi to ngone nanga hininga ma lako gea imaketero hoka o hilo abe ihitararono nanga ngekomika la haniiki itiai genangika. Masara nako nanga hininga ma lako ko irahaiokaua, gea inahihira-hira ma fufutuika dika, de o nyawa utu ikuranga holega manga pereluika, ho nanga wowango hao ko itiaiua. Abe nako nanga hininga itagi o dunia ma kiahonangika eko utuikali abe ko Ma Jouikaua itagi, gea nanga hininga imanoa ka o fufutuoka dika.

Lukasa 8:10

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa de Una winihimatoko ai dogogono gea ka nginika dika abe nidadi ahi nyawa la wato ngini naa ka idadi nihioriki. Masara ona abe ka iwiporetohi Unangika, borotaua de ona ihioriki abe ma titi hokokia ai nyawaika wahikoano Ma Jou. Ho gea ma titi hiadono Ngohi tadotoko o nyawaika de o hiketero ma ade-ade, la ona abe ka iwiporetohi ahao idadi onangika duru imaketero hoka ma dihira Ma Jou wotemoka wato, ‘Ona gea barikua yomalega-lega de manga lako ahi datorino masara ko ihiorikua ma titi genangino, de barikua ona yotoihene de manga ngauku to Ngohi ahi demoino masara ko ihiorikua to ena ma titi.’” “Hokogea Ma Jou ai demo ma dihiraino, de duru hokogea idadi onangika abe yotoihene ahi hiketero ma ade-ade, angamoi ko yakunua yataoko ma titi genangino.”

Roma 1:22

De ona gea yomahiromanga ato yososawaro masara ona gea tanu ka yobodo dika.

1 Korintusu 2:14

Masara onagona dika abe ko iwingakua Ma Jouika, ona gea ko yodafongua ma dodotoko gea Ma Jou o Womahino angamoi gea ena yafikiri ato ibodo. De hongoli ona gea ko idadiua yataoko ma titi genangino, angamoi Ma Jou o Womaha ko iwiwa onangoka.

Efesusu 4:18

De ona gea manga hininga duru ifufutuoka, de ona hoka o homoa ma nyawa Ma Jouika, ho gea duru yomakitingaka ma gurutika de o wowango abe iboa Unangoka de aino. De gea yomakitingaka ma titi abe ona ma hirete yoluku iwihigihene Unangika angamoi to ona manga hininga ihitogowinoka ona ma hirete.

Efesusu 5:8

De igoungu ma dihiraino de ti ngini nia hininga ma dola ka o fufutuokahi dika, masara naa de ti ngini nia hininga nanga Baluhu idodutu wohitawangeoka la ma titi nia gogao Unangika ho gea ka idadi ngini niwihioriki itararono. Ho naa ngini nia wowangoka kiani o dawange ma wowango nimaaduru.

1 Yohanese 2:11

De masara nako o nyawa onagona dika de yadohata manga gianongoru abe o ngongaku moioka, ona gea yomanoa o howonoka ho gea hoka o fufutuoka dika yotagi-tagi. De hongoli ona gea duru ko ihiorikua to ona manga dumutu o kiaika yoiki, angamoi ona gea yorafioka ma titi ifufutuokaholi hiadono ko yomahiorikokaua.