Matiusu 5:41 - Ma Jou ai Demo-demo o Totobelohoka

⁴¹ “De nako naga o tentara ma nyawa womatengo winihuloko nginika la wato niwiduhunu niamoku to una ai kiahonanga abe o kilo moiika, gea irahai ngini nihifoloi de niamoku o kilo hinootoika la nimahimatoko ti ngini nia hininga ma rahai unangika gea.”

Matiusu 5:41 ပူးပေါင်းရင်းမြစ်များ

Matiusu 27:32

De o Yesusu manga gogiriaka iwiao abe o Yerusaleeme ma kotaino yohupu de naga yomakamakeika o ngekomo ma goronaka naga womatengo. De gea una o Kirene ma nyawa, abe ai romanga o Simono. De o Roma ma tentara iwiribuutu o Simono la waniiki de wimoku o Yesusu ai gota isosalioaino gea.

Matiusu 5:40

“Eko nako idadi abe o nyawa initaere nginika angamoi bari niahowonoka. Ho ona initaere de yomagahoko o baju moi la idadi ti ngini nia bobangu ma demo ma dodaere. De gea Ngohi tato nia baju ko moiua dika masara irahai nihifoloi de niahidoakoo nia baju ma biri-birini onangika.”

Matiusu 5:42

“De nako o nyawa yoboa nginino de naga moi yomagahoko, gea niahidoaka onangika. De nako utuoli yoboaino la ato yomabauohi ti ngini nia kiahonanga, gea niahibau onangika.” De hokogea o Yesusu ai dodotoko abe hokokia hohibalaha onangika abe yodiai itorou ngoneino.

Maruku 15:21

De o Yesusu manga gogiriaka iwiao abe o Yerusaleeme ma kotaino yohupu de naga yomakamakeika o ngekomo ma goronaka naga womatengo. De gea una o Kirene ma nyawa, de ai romanga o Simono, abe ai ngofa-ngofaka o Alesandere de o Rufusu. De yomakamake de tanu o Simono wato wogila-gila o kotaika wowohama, masara o Roma ma tentara iwihiribuutu la waniiki la o Yesusu ai gota isosalioaino wimoku.

Lukasa 23:26

De ahao o tentara ma nyawa gea iwiao o Yesusu o Yerusaleeme ma kotaka de yaino yohupu o hohonenge ma ngiika. De manga dodagi ma goronaka de naga womatengo yomakamakeika o Kirene ma nyawa ai romanga o Simono, abe una gea ma hoanoka de waino woboa wato wowohama o kota ma goronaika gea. Masara o Roma ma tentara iwihiribuutu la o Yesusu ai gota isosalioaino o Simono wimoku de wihidoduru Unangika.

2 Korintusu 5:14

De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.