Matiusu 5:35 - Ma Jou ai Demo-demo o Totobelohoka

³⁵ “De naga moioli tinihitiari. Abe nako nia behehongo ma koboto ma goronaka de nifetongo o dunia naa, gea enangoo ka imakadaene dika angamoi o dunia naa idadi to Una ai lou ma hiaini ma ngi.” “De nagali nako nia hikoboto ma goronaka nifetongo niato o Yerusaleeme ma kota ma romanga, masara enangoo ma ko idadiua. Angamoi ma kota gea idadi to ngone nanga Koano wokokurutiye ai kota genangoka.”

Matiusu 5:35 ပူးပေါင်းရင်းမြစ်များ

2 Tawari 6:6

Masara naa Ngohi tomaputuhoka abe o Yerusaleeme ma kota tairikoka la idadi ahi gogere ma ngi de Ngohi toniiriki ngona, o Dautu, la nodadi o Isiraele ma nyawa manga koano.’” Hokogea Ma Jou ai behehongo ahi baba o Dautika.

Matiusu 5:36

“De moioli ngaro ngini niato nihibehehongo de o koboto ma demo abe nifetongo de ti ngini ma hirete nia pea, ma enangoo ufa hokogea nidiai. Angamoi ti ngini nia pea enangoo to Una ai kuahaka imanoa, de ngini nia tadauru o ngai moi ma hengo-hengo de ko niakunua nihidadi ma gare-garehe. De nako nia tadauru iarehoka, gea ngini ko niakunua nihidadi la ma hengo-hengo idadioli.”

Hidingoto 7:49

‘Ahi kuaha ma kadera ma ngi gea o Horoga, De o dunia gea ka ma eteteke dika abe hoka ahi lou ma hiaini ma ngi. Ho ngini done sarakia de niato ka idadi nihidiai ahi tau moi la ihiwedono? Duru ko idadiua! De o gogere hokokia ma rupa abe ngini nihihidoaka Ngohino?

Himatoko 21:10

De wotemo ibooto de ahao Ma Jou o Womaha ai kuaha ihilufungoli ngohi de o malaekata gea wohiao o loku moi ma tubuiye abe ma loku gea duru ikurutiye. De genangoka una wohihimatoko ngohino ma kota ma debi-debini abe Ma Jou wohigutiuku o Horogaka de auku, abe gea ma kota ma romanga o Yerusaleeme ma kota.

Himatoko 21:2

De ahao nagali tamake o kota ma debi-debini abe Ma Jou wohigutiuku o Horogaka de auku, de gea ma kota ma romanga o Yerusaleeme ma Hungi ma kota. De ma kota gea duru imahidiaioka de ma hohailoa, abe gea imaketero hoka o ngofeka momatengo ami gogilaka ma wangeoka de momahinoahi de ma hohailoa de duru momahidiai la ami rupa duru mohailoa ma oraha ami darunu womidafongo. De hokogenangoo ma kota naa duru imahidiaioka de ma hohailoa.