Matiusu 5:34 - Ma Jou ai Demo-demo o Totobelohoka

³⁴ “Masara Ngohi tato koaho ufa ngini nimahibehehongo de o koboto. De igoungu utu yodotoko ato ka idadi niapake de o koboto ma demo iti ufa Ma Jou ai romanga niapake. Masara nako nihibehehongo de o koboto de nia koboto ma goronaka de nifetongo o Horoga, gea ka imakadaene dika abe nako nifetongo Ma Jou ai romanga angamoi o Horoga gea to Una ai kuahaka ma kadera ma ngi.”

Matiusu 5:34 ပူးပေါင်းရင်းမြစ်များ

Higiriiri 11:4

Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Yesaya 57:15

Abeika nitotoihene Unangika abe duru Wokokurutiye, abe Una wohikoano ka hiado-adonika de ai romanga duru ma debi-debini. Abe hokonaa to Una ai demo, wato, “Ngohi naa ahi gogere o ngioka abe duru ikokurutiye de duru itebi-tebini, masara Ngohi togogeroo o nyawa manga hidogoronaka abe manga hininga duru ihuha de abe yomahitipokouku. De gea togogere onangoka la tahiwangoro ona manga hininga ma dodipokouku, la tahigaro ona manga hininga ihu-huha hiadono manga domoroini ka ilioli.

Hidingoto 7:49

‘Ahi kuaha ma kadera ma ngi gea o Horoga, De o dunia gea ka ma eteteke dika abe hoka ahi lou ma hiaini ma ngi. Ho ngini done sarakia de niato ka idadi nihidiai ahi tau moi la ihiwedono? Duru ko idadiua! De o gogere hokokia ma rupa abe ngini nihihidoaka Ngohino?

Yakobusu 5:12

De ahi gogianongoru, naa moi tinihingahu abe duru ikurutiye. Abe nako ngini nimahiketehibehehongo, gea ufa nimahiketehibehehongo de o koboto la niato duru nimahitaana abe nia behehongo ma demo duru igou-goungu. De gea ngaro ufa dika de nitemo niato, “Nako ngohi toeluku ahao Ma Jou o Horogaka wohihohowono ngohino.” De ufaoo niato, “Nako ngohi toeluku ahao Una abe o dunia naa ai kuahaka Una gea wohihohowono ngohino.” De igoungu hokogea ma koboto ma demo ma ngoe o nyawa yapake la yomahitaana abe ma titi manga behehongoka de duru yagou-goungu, masara nako ngini ufa nimaaduru abe hoka onangoli manga demoino. Angamoi nako nimahiketehibehehongoka de o koboto de ahao ko nianiikua, gea de ahao utuohi itubuho nia hohowono ma titi nia koboto ma demoino. Masara ngini koaho hokonaa nia demo abe ma oraha nimahiketehibehehongo. Abe nako niahibehehongoka o nyawaika ma titi moi niato nidiai, gea ufa nieluku ma kiani nidiai dika. De ngaro niahibehehongoka ma titi moi niato gea ko nidiaiua, gea ufa nidiai! De iti niagou-goungu nia behehongo ma demoika gea de o nyawa ka idadi yongaku nia demoika. Ho ngaro ufa dika de nihidogo nia behehongika abe de o koboto ma demoino.