Matiusu 5:27 - Ma Jou ai Demo-demo o Totobelohoka

²⁷ De o Yesusu wogila-gilali wadotoko onangika wato, “Ngini naa nihiorikoka abe o Musa ai Pareta ma demoka inahuloko ato, ‘Ngini ko idadiua nimakitigi de o nyawa ngaro onagona dika nako ko nia fekatua eko ko nia rokatua.’

Matiusu 5:27 ပူးပေါင်းရင်းမြစ်များ

Huhupu 20:14

“Ngini ko idadiua nimakitigi de o nyawa ngaro onagona dika nako ko nia fekatua eko ko nia rokatua.”

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Gogao 18:20

‘Ko idadiua o nauru nimakitigi de o nyawa utu manga fekata. Ka de ngini nimakitigi de ngona o nauru nomahidadidorou.’

Gogao 20:10

De Ma Jou wahingahu wato, “Nako naga yomakitigi o nauru de o ngofeka de muna gea o nyawa utu manga fekata ahao ona yomakitigi gea kiani niahohowono ka hiadono ona o nauru de o ngofeka gea niahohonenge. De nako naga nginioka o nauru abe una de ai baba ngoi fekata yomakitigi de una wahowo-howono gea duru wihimaleke ai babaika. Ho duru tinihitiari la ufa niahowono hokogea abe idadi o himaleke ma amoko nia hidogoronaka. De una de ai baba ngoi fekata kiani niahohowono ka hiadono ona yahinooto yohonenge. Abe ngaro hokogea niahohonenge masara ona imaketero hoka to ona ma hirete manga awunu yakopoa.” Hokogea Ma Jou wahohowono o Isiraele ma nyawa nako yomakitigi ihowono mangale ma titi ai dora ai nyawaika.

Matiusu 5:21

De o Yesusu ka wadotokohi onangika wato, “Ngini naa nihiorikoka abe o Musa ai Pareta ma demo ma dodihiraino de Ma Jou wahidoakoka nanga totoforaika. De ma pareta gea ma goronaka de inahuloko itemo ato ko idadiua o nyawa hatoma. De nako hatoma, gea kiani hodafongo nanga hohowono.

Matiusu 5:33

De o Yesusu ka wogila-gilahi wadotoko onangika wato, “Ngini naa nihiorikoka abe o Musa ai Pareta ma demoka de inahuloko ato, ‘Nako o behehongo moi abe ngini nimahibehehongoka de nimahikoboto Ma Jouika la niato duru nimahitaana abe nia behehongo ma demo duru igou-goungu, gea ngini ko idadiua niawohanga nia behehongo masara kiani nihingodumu abe imaketero niwihibehehongoka Ma Jouika.’ Hokogea o Musa ai Pareta ma demoka.”

Matiusu 5:38

De o Yesusu ka wadotokohi onangika wato, “Ngini naa nihiorikoka abe o Musa ai Pareta ma demoka itemo ato, ‘De nako naga o nyawa yomakopoha de womatengo ai lako ihirusakoka gea una wopoha-poha unangoo kiani ai lako ihirusaka. De nako womatengo ai ingiri atofioka gea abe una wopoha-poha to unangoo kiani ai ingiri atofi.’ Hokogea itemo o Pareta ma demoka.

Matiusu 5:43

De o Yesusu ka wogila-gilahi wadotoko onangika wato, “Ngini naa nihiorikoka abe ka ma dodihirainohi nanga totofora yomakodotoko abe ma titi nanga date-datekoka ato, ‘O nyawa utuika kiani niadora.’ Masara abe ma titi nanga musu gea ka ma dihirainohi de nanga totofora yomakodotoko ato ka idadi nia dohata itagi nia musuika.