Matiusu 5:15 - Ma Jou ai Demo-demo o Totobelohoka

¹⁵ “De nako o hilo moi o nyawa atufukika, gea sarakia, ona ahao ihidatamunu de o kiarono? Gea ko idadiua angamoi ko yahitararonua ho ko yahiutumua o nyawaika. Masara gea kiani yakelenga to ena ma ngioka la duru itararono, la o nyawa mata-mata o tau ma goronaka yomahioriki.

Matiusu 5:15 ပူးပေါင်းရင်းမြစ်များ

Huhupu 25:37

“De ahao nidiai ma posi tumidi de niakelenga homoi-homoiika daku o posi ma ngi-ngioka la gea ena idadi o hilo abe ihitararono ma himangika.

Sakaria 4:2

Wohitumomiki de wohileha wato, “O kia naga ngona namake?” De ngohi topaluhu tato, “Ngohi ka idadi tamake o posi ma liate abe yodiai o gurasi iree-reeino. De gea ma dekaroka naga ma minya ma ngi moi de ma posi tumidi, de nagali ma minya ma dodagi abe ma posi amomoiika.

Maruku 4:21

De ahao o Yesusu wahitararonohi onangika wato, “Mode o nyawa yaleino o posi de ihidatamunuku de o kiarono eko dau o koi ma timiuku yakelengauku? Koua, masara gea kiani yakelenga daku to ena ma ngioka la duru itararono arihonongaika.

Lukasa 11:33

De ahao o Yesusu wadotoko o nyawa yowoe-woeika abe ma titi o dararono ma gou-goungu, abe Una wotemo wato, “Nako o nyawa o posi yatufukika, ena gea ko yagogonua de ko ihidatamunua de o kiarono done to ena ma dararono atatokoka. Ko hokogenangua yodiai, masara gea kiani yateruiye to ena ma ngioka la o nyawa abe yowohamino ka idadi to ena ma dararono yamake de yomahioriki.

Lukasa 11:36

De nako Ma Jou ai dararono ma gou-goungu duru inihitawange nia hininga mata-mataika ho hiadono ko iwaka ma fufutu nginioka, gea de ahao duru kohadararono nia hininga abe imaketero hoka nigogere duru o hilo ma dararonoka.”

Lukasa 8:16

De o Yesusu wogila-gilali wodotoko abe ma titi o abari ma gou-goungu Ma Jouino gea kiani ihingahu-ngahu o nyawa utuika de ufa hiadono atamunuku dika o nyawa manga hiningaka. Ho Una wodotoko de o hiketero moioli wodiai wato, “Nako o nyawa o posi yatufukika, gea ona ko ihidatamunua de o kiarono de o koi ma timioka ko ihingohamua done to ena ma dararono atatokoka. Ko hokogenangua yodiai, masara gea kiani yateruiye to ena ma ngioka la o nyawa abe yowohamino ka idadi to ena ma dararono yamake de yomahioriki.

Filiipi 2:15

Abe hokogea ma ngekomo la ngini nidadi o debi-debini ma nyawa, la ka nia hininga ma rorahai ireeika. Abe ngini nidadiokau Ma Jou ai ngofa-ngofaka ma gou-goungu. Ho ngaro ngini ka nigogerohi o duniaka naa, abe o dunia ma nyawa manga hininga yotula-tulaka de ma dorou dika yanii-niiki, ma kiani ngini niwango abe hoka itaana o debi-debini ma nyawa yowango. Ho abe ma oraha o dunia ma nyawa yamake ti ngini nia wowango, gea imaketero hoka o muru-murumu ihitararono o fufutuoka, abe ngini niahitararono o dunia ma fufutuika.

Ibarani 9:2

De ma dodihiraino gea de ma tau o ngoerino doka ma goronaka yokabatingoka ho naga ma ngi hinooto ma tau ma goronaka. Ho ma ngi abe ma himangika idate-dateke, gea ma goronaka naga ma posi ma liate moi abe ma posi ma ngi daku tumidi, de nagaoo ma meja abe ka ihikaika naga o hohininga ma roti genangoka. De ma ngi gea ihiromanga enangika ato o Debi-debini ma Ngi.

Himatoko 2:5

Ho gea tato ngini kiani nimahihohininga abe ngini hokokia nia dora ma dodihiraka de ma oraha naa hokokia ma gurutuku nirubaka. De ngini kiani nitoba genangino de niogilio la nianiikoli nia wowango ma datoro abe hoka ma dodihiraka nia ngongaku ma wowangoka. De masara nako ngini ko nitobaua, gea Ngohi ahao toboa nginika de tagoraka ti ngini nia posi ma liate to ena ma ngiino la gea nia gareja ma doomu ahao ihikapusakoka. De hokogea ahao kiani Ngohi todiai nako hoka ngini ko nitobaua.