Matiusu 28:7 - Ma Jou ai Demo-demo o Totobelohoka

⁷ De yomahitigika yatutumu ai dingii gea de igoungu Una ai honenge ko iwiwaka. De ahao ma malaekata wotemoli wato, “Ho naa ngini nimataiti niloikohi de niahingahu iwinii-niikika abe Una womomikoka ai honengino. De niahingahuoo niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una.’ Hokogea kiani niahingahu onangika. De ufa niawohanga ahi demo naa abe tinihingahuoka la gea ahao niadofanga iwinii-niikika.”

Matiusu 28:7 ပူးပေါင်းရင်းမြစ်များ

Matiusu 24:25

“Ho naa ma dodunguu mata-mata tinihingahuokau la ngini nihioriki abe ahao hokokia idadi ma oraha o dunia ma bobaha itigioka. Ho nako ma dodunguu gea ko idadiuahi, ufa o nyawa inibudi la hiadono niataoko abe ma bobaha gea adonoka. Ho naa ma moioli tinihitiari tato ngini kiani ka ihikaika nimaagoana done inibudi ma titi o dunia ma bobaha!”

Matiusu 26:32

Masara ahao tomomikoli ahi honengino, de gea ahao Ngohi toiki tohira o Galilea ma tonakika, de ngini ahao nihihidoduruino.”

Matiusu 28:10

De ahao o Yesusu wotemo onangika wato, “Ho ngaro ufa ngini nihawana! Masara niloikohi ahi gogianongoruika de niahibehehongo la ona yosobo yoiki o Galilea ma tonakika, la ahao ona de Ngohi mimakamake genangoka.”

Matiusu 28:8

De ma malaekata wotemo ibooto onangika de o ngo-ngofeka gea yomataiti o lungunoka de yosobo yomapopaata de yalingiri abe iwinii-niiki o Yesusu la ka idadi ma malaekata ai demo yadofanga onangika. De gea manga hiningaka de yohawana masara nagaoo manga garago kohaamoko hiadono manga hininga aomangoka de o garago.

Maruku 14:28

Masara ahao tomomikoli ahi honengino, de gea ahao Ngohi toiki tohira o Galilea ma tonakika, de ngini ahao nihihidoduruino.”

Maruku 16:10

Ho naa muna o Yesusu mimakeoka ho o Yesusu ai dodiawoika moiki la mato onangika mahingahu. De onangika maadono de duru manga hininga ka ihuhahi de duru yoari-ari.

Maruku 16:13

De womahimatoko ibooto de onangoo yolio de onangoo yoiki yahingahu o Yesusu ai dodiawoika ato, “Ngomi ahao naa wiwimake o Yesusu!” Masara manga demo to onangoo ma ko yangakua.

Lukasa 24:34

Masara ona iwitobanii-niiki yohira yotemo yahinootoika ato, “Nanga Baluhu idodutu wagou-goungu womomikoka ai honengino! Angamoi Una womahimatokoka nanga dodiawo naa o Simonika!”

Yohanese 14:29

Naa mata-mata ko idadiuahi de tinihingahuokau la ma oraha idadi de nimahihohininga ahi demo naa abe tinihingahuoka. Ho ngini kiani niangaku genangika abe ahao idadi la nia ngongaku ko ikelu-kelua.

Yohanese 16:4

Ahi demo naa tinihitihiraka la ma oraha mata-mata gea idadi de ka idadi nimahihohininga abe nia kangela gea Ngohi tinihingahuokau. Ma dihira ko tinihingahuahi angamoi Ngohi nagahi nginioka de manga dohata ma dumutu ka Ngohino dika.”

1 Korintusu 15:4

De Una wohonengoka de ahao iwilungunu, de ipaha ai wange hange de womomiki ai lungunino, de genangoli idadi hoka ma dihira Ma Jou ai Demo-demoka ihitulihukuoka.

1 Korintusu 15:6

Gea ipaha de ahao o Kristusu womahimatoko nanga gogianongoruika abe ona manga ngoe-ngoeikali, abe ona yaratuhu motoa yofoloi manga ngoe yomatoomuino ka ma moi, onangikali gea Una womahimatoko. De nanga gogianongoru gea utu marai yohonengoka, masara hatoli yowoe-woe hiadono o wange naa ona nagahi.