Matiusu 28:4 - Ma Jou ai Demo-demo o Totobelohoka

⁴ De ma tentara gea abe yogoa-goana ona ka de iwimake ma malaekata de duru yokokihawanoka de yahiraramaka yofafara ka hiadono manga hininga ihihihanga ho yorubauku de ngade-ngade hoka yohonengoka.

Matiusu 28:4 ပူးပေါင်းရင်းမြစ်များ

Matiusu 28:11

De abe ma oraha o ngo-ngofeka yahinooto gea manga dodagi ma gogiriakahi abe yoiki yatutumu iwinii-niikika, de duru ma oraha gea doka o Yesusu ai lungunoka de o tentara ma nyawa abe yogoa-goana, ona ahao gea yokokimomikino. De ka de yomomikino de yosoboka yoiki o Yahudi ma nyawa manga hidemo Ma Jouiye manga hohidimono yokokurutiyeika. De yomahiadonika onangoka de yoade-ade abe ma titi idadioka ma oraha ma malaekata woboa ma lungunuku.

Matiusu 28:3

De to una ai himanga gea duru kohadararono abe hoka o leletongo ma dararono, de nako ai baju gea duru ma gare-garehe, abe ma magarehe gea hoka o gotoaka ma gogo ma magarehe.

Matiusu 28:5

De ma malaekata gea wotemo o ngofeka yahinootoika gea wato, “Ngaro ufa de nihimodongo! Angamoi tohiorikoka abe ngini niwilingiri o Yesusu, abe Una gea iwihohonengoka o gota isosalioaka.

Hidingoto 16:29

Ka de gea woihene de ma gogoana duru wohawana hiadono wofafara, de una wahoko ai dodiawoika la o oboro yaoino la ka idadi yomahioriki. De gea yaoino de manga haeke una womataiti wowohamika o Paulusu de o Silasa manga kamarika de womamotumuku manga himangoka.

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.