Matiusu 28:12 - Ma Jou ai Demo-demo o Totobelohoka

¹² De ma hidemo ma nyawa gea yoihene ma ade-ade de ahao yahokino manga dodiawo mata-mata abe onangoo yodadi o Yahudi ma nyawa manga hohidimono. De ona mata-mata yomakokitoomuinoka de yomakoketemo abe ma titi koaho o kia yodiai. De ma bahauku de yomaputuhu ato kiani yahewa ma gogoanika gea abe o tentaraino de duru yahibehehongo la yaeluku o nyawaika ma titi abe o kia idadioka.

Matiusu 28:12 ပူးပေါင်းရင်းမြစ်များ

Matiusu 12:14

De o Farisi ma nyawa ka de gea yamake de yosoboka de yahoko manga dodiawo la yomatoomuino de yomakoketemo ma titi o Yesusu. Abe gea yomakokeleha hokokia ma ngekomo irahai la ka idadi o Yesusu iwitoma.

Matiusu 28:11

De abe ma oraha o ngo-ngofeka yahinooto gea manga dodagi ma gogiriakahi abe yoiki yatutumu iwinii-niikika, de duru ma oraha gea doka o Yesusu ai lungunoka de o tentara ma nyawa abe yogoa-goana, ona ahao gea yokokimomikino. De ka de yomomikino de yosoboka yoiki o Yahudi ma nyawa manga hidemo Ma Jouiye manga hohidimono yokokurutiyeika. De yomahiadonika onangoka de yoade-ade abe ma titi idadioka ma oraha ma malaekata woboa ma lungunuku.

Matiusu 28:13

De ma tiwi yahidoaka onangika de yadotoko ato, “Kiani hokonaa niade-ade o nyawaika, niato, ‘O futuika ona abe iwinii-niiki o Yesusu yomatohi-tohiki yoboaino ai lungunino ma oraha ngomi imikokikiookoka de ko miamaoua abe ma oraha yagoraka to Una ai honenge de iwiaoka.’ Hokogea dika ngini niade-ade o nyawaika.

Yohanese 11:47

Ho o Farisi ma nyawa yoihene manga ade-ade gea de ahao manga hidemo ma nyawa Ma Jouiye manga hohidimono yomakahoko la yomatoomuino ato yomahikaaturu. Ho gea yomatoomuinoka de yomakokeleha ato, “O kia ahao hodiai? O nauru gea ka ihikaika wodiai o heheranga ma ngoe ho nako hinoaika dika ahao o nyawa mata-mata ka iwingaku. De nako idadi hokogea o Roma ma nyawa ahao yoboaino de to ngone nanga ngi ma debi-debini naa akilianga de nanga tonaka inaora. Ho naa sarakia hodiai o Yesusika?”

Hidingoto 5:40

Ho ona yahokino o hidingoto ma nyawa de ahao yahuloko la yahipoha-poha onangika de o migi. De yapoha ibooto de yahibehehongoli onangika ato ko idadiokaua yahingahu-ngahuoli o nyawaika ma titi yao o Yesusu ai romanga. De gea yahuloko ipaha de yahigunoa la yoiki yolio manga ngiika.