Matiusu 28:10 - Ma Jou ai Demo-demo o Totobelohoka

¹⁰ De ahao o Yesusu wotemo onangika wato, “Ho ngaro ufa ngini nihawana! Masara niloikohi ahi gogianongoruika de niahibehehongo la ona yosobo yoiki o Galilea ma tonakika, la ahao ona de Ngohi mimakamake genangoka.”

Matiusu 28:10 ပူးပေါင်းရင်းမြစ်များ

Matiusu 14:27

Masara ka de yopoaka de o Yesusu wotemo onangika wato, “Ngohi naa, ho nimatotomoroini dika, ngaro ufa de nihimodongo.”

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Matiusu 25:45

“De hokogea ona yomademo, masara Ngohi ahao tapaluhu onangika tato, ‘Masara ma dihiraino de naga ma oraha abe ngini nioluku niaduhunu to Ngohi ahi nyawa-nyawaika abe ma oraha ona naga manga perelu. De naa tagou-goungu tinihingahu abe nako niolukoka niaduhunu to Ngohi ahi nyawaika onagona dika de gea taetongo imaketero hoka nginioo niolukoka nihiduhunu Ngohi naa. Abe ngaro ahi nyawa abe manga gogere ka itipokouku de nioluku onangika niaduhunu, gea imaketero Ngohi naa ma hirete niolukoka nihiduhunu!’”

Matiusu 26:32

Masara ahao tomomikoli ahi honengino, de gea ahao Ngohi toiki tohira o Galilea ma tonakika, de ngini ahao nihihidoduruino.”

Matiusu 28:16

De ipaha de abe o Yesusu iwinii-niiki yangimoi de yamoi ona yosoboka yoiki o Galilea ma tonakika, de manga dumutu o loku moiika abe ma loku gea o Yesusu wahibehehongoka.

Matiusu 28:5

De ma malaekata gea wotemo o ngofeka yahinootoika gea wato, “Ngaro ufa de nihimodongo! Angamoi tohiorikoka abe ngini niwilingiri o Yesusu, abe Una gea iwihohonengoka o gota isosalioaka.

Matiusu 28:7

De yomahitigika yatutumu ai dingii gea de igoungu Una ai honenge ko iwiwaka. De ahao ma malaekata wotemoli wato, “Ho naa ngini nimataiti niloikohi de niahingahu iwinii-niikika abe Una womomikoka ai honengino. De niahingahuoo niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una.’ Hokogea kiani niahingahu onangika. De ufa niawohanga ahi demo naa abe tinihingahuoka la gea ahao niadofanga iwinii-niikika.”

Matiusu 28:9

De manga dodagi ma gogiriakahi de ka itodokanino de yomakamake de o Yesusu. De Una wotemo wato, “Ho duru nisanangioka dika!” De ona yomahitigi Unangika de yatilabukuku la ka idadi iwiso ai louika de yomahuba-huba Unangika.

Maruku 16:7

De ngini naa kiani niloikohi de niahingahu iwinii-niikika de o Peturusikaoo niwihingahu de niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una. Angamoi Una wohiraka abe imaketero hoka ma dihiraino winihibehehongoka.’”

Yohanese 20:17

De ahao o Yesusu womihingahu wato, “Maria, ma oraha naa ko idadiuahi nohigagaoika angamoi Ngohi ko toliouahi o Babaiye. Ho naa ngona noikohi abe ahi doo-dodotika natutumu de naga ahi demo abe nadotaka onangika. Ho ngona nahingahu nato, ‘Nanga Baluhu wato, “Ngohi ahao togoraka daku to Ngohi ahi Babaiye de ti nginioo nia Babaiye.”’ Hokogea ahi behehongo abe toigo la ngona nadofanga onangika.”

Yohanese 6:20

Masara o Yesusu wotemo onangika wato, “Ibootohi nihawana, naa Ngohi ho!”

Roma 8:29

De abe Ma Jou ai hininga ma dumutu ma titi ngone, gea woigo wato ngone homoi-homoi nanga hiningaka de hodadioka abe duru homaketero hoka to Una ai Ngofakoli o Yesusu ai hininga. De nako Ma Jou, Una ma dodihirainohi de wonahiorikokau abe ngone onagona honanga ahao hodadi to Una ai nyawa. Ho ngone abe wonahiorikoka abe ahao hodadi to Una ai nyawa, ngone naa wonaahoko Unangino. De ngone ko ma titiua wonaahoko dika, masara Unangoo wonaetongo ngoneino wato hototiai ai himangoka. De ka hokogenangua dika, masara nagahi abe wonahibehehongoka ngoneino wato ahao to Una ai medebini ma dararono wonahikokodoku ngone homoi-homoiino la ngone ahao hodadi homaketero abe hoka ai Ngofakoli. Ho gea mata-mata Ma Jou wonahidiai ngoneino angamoi imakiniiki de ai hininga ma dumutu la wato ngoneoo abe hodadioka to Una ai ngofa-ngofaka, gea ngone ahao duru homaketero de o Yesusoli. Abe o Yesusu Una gea wodadi hoka Ma Jou ai Ngofaka duru ma riaka, de ngoneoli naa hodadi hoka to Una ai doo-dodoto duru ko nanga ngoe. Ho gea ma titi hiadono Ma Jou wohiaturu mata-mataika la gea imakiniiki de to Una ai hininga ma dumutu ma titi ngone ai ngofa-ngofaka. Ho ahi demoino gea de duru ka idadi hohioriki abe ngaro ma oraha naa naga inahikangela masara hohiorikoo abe ahao dokengika de to Una ai medebini ma dararono wonahikokodoku ngoneino.

Hihira 10:16

De gea yomagahoko ipaha de ahao ona mata-mata ka yaumo dika manga popangao de ma moioli yomahuba-huba Ma Jou o Yaweika. Ho ma bahauku de Una wamake abe manga hininga ma huha duru ilamokoholi, ho to Una ai dora ma hiokoo itagiokali onangika.