Matiusu 27:57 - Ma Jou ai Demo-demo o Totobelohoka

^57-58 De ma wange ilobioka de naga womatengo ai romanga o Yusupu woiki o Pilatusika la wogahoko o Yesusu ai honenge. De o Yusupu gea una o Arimateaino ma nyawa abe naga de ai tiwioka. De unangoo winii-niiki o Yesusu. Ho naa o Yusupu wogahoko o Yesusu ai honenge la ka idadi wilungunu de o Pilatusu wihimoteke ho wahuloko ai nyawaika la iwihidoaka o Yusupika.

Matiusu 27:57 ပူးပေါင်းရင်းမြစ်များ

Yesaya 53:9

De o nyawa iwihidee la to una ai honenge yahidotulungunu de o dorou ma nyawa manga honenge ma ngiika. Masara ipaha una ka de wohonengoka de iwihinoaika o kaya ma nyawa manga lungunika. De mata-mata gea idadi unangika ngaro ko ma moiuahi una wodiai hoka o dualono ma datoro. De una gea ko ma moiuahi de o budi ma demo wapake.

Maruku 6:29

De ipaha abe o Yohanese iwinii-niiki ona yoihene abe iwitomaka de ona yoboaino de ai honenge yale, de yalungunoka ai honenge gea. De hokogea ma ade-ade abe o Yohanese iwitoma.

Hidingoto 13:29

“De manga datorino gea de duru yahingodumu Ma Jou ai uru ma dodofanga ma demo mata-mataika abe ma titi hokokia iwihohonenge. De gea yahingodumu ibooto de iwihiguti ma gota isosalioaka de wauku de iwikelenga o lungunoka.

1 Samuele 1:1

O ade-ade naa imulaenge de o Isiraele ma nyawa womatengo ai romanga o Ekana. Una womahidutu o Efaraimi ma dutuika de wogogere o Rama ma kota abe naga o loku-lokuoka o Efaraimi ma tonakoka. De o Ekana ai baba o Jerohama, de ai ete o Elihu, de manga fam Tohu abe o Efaraimi ma nyawa o Sufu ma doomuino.

1 Samuele 7:17

Ho nako genangoka ai nyawa waurusu ibooto de ahao wolio ai tauika o Rama ma kotaka. De genangokaoo naga o nyawa abe kiani manga howono watailako de ona abe itaana yahowonoka gea una manga hohowono waputuhu. De o Rama ma kotaka gea una wodiai o huhuba ma ngi abe wapake la o huhuba womahihuba Ma Jou o Yaweiye.