Matiusu 27:44 - Ma Jou ai Demo-demo o Totobelohoka

⁴⁴ De o nyawa ma dorou abe yahidapakuika ai arihonongaka onangoo iwihohedu Unangika de manga hohedu ma demo imakiniiki de o Yahudi ma nyawa manga hohidimonoli gea manga demo.

Matiusu 27:44 ပူးပေါင်းရင်းမြစ်များ

Matiusu 27:38

De naga o nyawa ma dorou yahinooto o Yesusu ai arihonongaka de onangoo yahidapakuika ma manga gota yahiketehimomoi. De ona gea yahidapakuika de o Yesusu naga manga hidogoronaka.

Maruku 15:32

De ka iwimia-miakali ato, “Ei, Mesia, o Isiraeloka nanga Koano, abeika nouti nenanguku o gota isosalioauku la gea minimake abe Ngona noutioka de ahao miningaku.” De ona yahinooto abe yahidapakuika ai arihonongaka onangoo iwihohedu Unangika.

Roma 15:3

Angamoi ngaro nanga Baluhu o Kristusu masara Unangoo ko waniikua to Una dika ma hirete ai mau, ho koaho ngone homaaduru hoka to Unangoli ai hininga. Abe o Kristusu Una gea wowango hokokia la wihisanangi ai Babaika. De ngone ka idadi hohioriki abe Una waniiki to ai Baba ai mau mangale o nyawa iwingelo Unangika abe duru imaketero hoka iwingelo Ma Jou ai Babaika. De ma titi gea ma dodihiraino de ihitulihukuoka Ma Jou ai Demo-demoka abe nanga Baluhu o Kristusu witemo ai Babaika, wato, “Baba, o nyawa manga ngelo ma demo abe ma dodihirainohi de initobangelo Ngonaika, ma oraha naa de ihihipake Ngohinoo, ho manga ngelo ma demo naa ihidaene Ngohi.” Hokogea nanga Baluhu ai demo ma dodihiraino abe witemo ai Babaika.

Yakobusu 1:5

De nako hoka naga nia gianongoru abe wamao ai hiningaka abe ai sosawaro ka ikurangohi ho ko wohiorikua ai wowango ma datoro hokokia wodiai la itaana de Ma Jou ai mau, una gea koaho o sosawaro womagahoko Ma Jouino. Angamoi Una gea duru de ai hininga ma gahumu wonahidoaka ai sosawaro ngoneino de ko wonataerua, ho nako ai sosawaro ngone homagahoko Unangino, gea ahao wonahidoaka.