Matiusu 27:27 - Ma Jou ai Demo-demo o Totobelohoka

²⁷ De ahao o Pilatusu ai tentara o Yesusu iwiaoika o Pilatusu ai tau ma goronaika de genangoka manga dodiawo mata-mata yakokiahokino abe o tentara o doomu moi.

Matiusu 27:27 ပူးပေါင်းရင်းမြစ်များ

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Yohanese 18:28

Ho ka de o Yahudi ma nyawa manga hohidimono yaputuhoka ato o Yesusu wahowonoka de ona duru o ngoru-ngorumino iwiao manga gubernuurika abe una o Romaino de ai romanga o Pilatusu. Ho yomahiadonoka o tauika abe o Pilatusu naga genangoka ma ko yogila-gilaua yowohama angamoi ona ato done yatilakuru manga agama ma bohono hiadono yahowonoka Ma Jouika. Abe nako hokogea yahowonoka de ko idadiokaua o Totilakuru ma inomo yaolomo.

Yohanese 18:3

Ho naa o Yudasa gea wahihira o Roma manga tentara o doomu moi o redika gea. De naga yasapurika onangoka yamuruono naga yogoa-goana Ma Jou ai Tau. Ona gea yaniiki o Roma manga tentara ma doomu gea angamoi onangoo yaduhuloko la o tentara yaduhunu iwitaoko o Yesusu. De gea manga hohidemo Ma Jouiye de o Farisi manga doomuino ma nyawa abe yahuloko la yomakiniiki de o tentara gea. Ho yomakutuono yoboaino de yomagao manga hilo abe utu ma rupa hoka o lobe de utu hoka o oboro. De nagali yomagao manga dae irupa-rupa.

Yohanese 18:33

Ho ka de ona yotemo hokogea de o Pilatusu wowohamoka ma tauika gea de ahao o Yesusu wibehehongo. Ho o Yesusu ahao woboa o Pilatusika de o Pilatusu wileha Unangika wato, “Igoungu, Ngona o Yahudi ma nyawa manga koano?”

Hidingoto 10:1

De o Kaisarea ma kapongoka naga womatengo o Roma ma tentara manga haeke abe ai romanga o Koroneliusu. De una wahipareta o tentara abe manga doomu ihiromanga ato o Italia ma tonakoka ma doomu.

Hidingoto 23:35

De ahao ma gubernuuru wihingahu wato, “Ahao ma oraha ona initae-tae yomahiadono nenangino de ahao ka idadi toihene manga dadae ma demo ngonaika, de ngonaoo ka idadi nomademo ahi himangoka.” De wihingahuoka de ma gubernuuru wahuloko ai nyawa la iwiao o Paulusu o Herodese ai tauika de duru ihidodiai iwigoa-goana genangoka.

Hidingoto 27:1

De ipahainoli de ma oraha adonoka la iwihidingoto o Paulusu o Roma ma kotaika abe o Italia ma tonakoka. De o Paulusu de o nyawa yamuruono naga utu abe onangoo yahidapakiti ma titi o pareta yatilakuru, ona yahitagongo o tentara ma hihira womatengoika la una wagoa-goana. De una gea ai romanga o Yuliusu, de una wodadioka o tentara manga doomu moi manga hihira. De ai doomu ma romanga ihiromanga ato o Koano wokokurutiye ai Tentara ma Doomu.