Matiusu 27:22 - Ma Jou ai Demo-demo o Totobelohoka

²² De o Pilatusu wotemo wato, “De nako o Barabasa tihiluasa nginika, gea ahao done sarakia todiai o Yesusika naa abe iwihiromanga ato ti ngini nia Koano abe nia Jou winihibehehongoka?” De ona mata-mata yopaluhu ato, “Nihohonenge dika o gota isosalioaka!”

Matiusu 27:22 ပူးပေါင်းရင်းမြစ်များ

Yesaya 49:7

De o Yawe abe Una o Isiraele ma nyawa manga gogoana de manga Koano wokokurutiye, naga to Una ai demo Unangika abe o dunia ma nyawa iwiemono de iwioluku, Unangika abe wodadi o kokoano manga huhuloko. De hokonaa Ma Jou o Yawe ai demo Unangika, wato, “Ahao o kokoano inimake noboaino de inihidoaka o horomati Ngonaika, de o popareta manga hohidimono onangoo yomamotumuku la inihoromati, angamoi Ngohi o Yawe toniirikoka. Abe Ngohi tatobagou-goungu ahi demoino de todadi o Isiraele ma nyawa manga koano tokokurutiye, de Ngohi naa abe toniiriki Ngona.”

Matiusu 1:16

De ukuoli to Yakuboli ai ngofaka o Yusupu abe una wodadi to o ngo Maria ami rokata. De o ngo Maria muna gea abe o Yesusu womaboa munangino. De o Yesusu Una gea abe iwihiromanga Unangika ato o Kristusu nanga Koano abe Ma Jou wonahibehehongoka ngoneino.

Matiusu 27:17

Ho ma ngorumino gea de o nyawa yowoe-woe yomatoomuino o Pilatusu ai tau ma loaka, ho una waleha onangika wato, “Nako ona yahinooto naa, onaguna ngini niairiki la tahiluasa nginika? Tihiluasa o Barabasa ekola tihiluasa o Yesusu abe iwihiromanga nia Mesia de nia Koano?”

Matiusu 27:21

Ho ma gubernuuru o Pilatusu walehali yowoe-woeika wato, “Nako ona yahinooto naa, onaguna ngini niairiki la tahiluasa nginika?” De ona yowoe-woe yopoaka ato, “O Barabasa dika nihiluasa!”

Matiusu 27:23

De o Pilatusu waleha onangika wato, “Adodoa ho hokogea nihihuloko Unangika todiai? Mode o pareta o kia de watilakuru?” Masara ngaro hokogea ai demo ma ona yowoe-woe ka yodogo-dogoli yopoa-poaka ato, “Niwihohonenge! Niwihidapakuika dika o gota isosalioaka!”

Maruku 14:55

Doka o tau ma goronaka naga o Yahudi ma nyawa manga hohidimono abe yotobauru-urusu o nyawa yomakokitoomuinoka ho yongodumoka. De ona gea mata-mata duru yolingiri ma titi la ka idadi iwihohonenge o Yesusu, masara moioo de ko amakeua ma titi la genangino ka idadi iwihohowono.

Yohanese 4:25

De ahao o ngofeka gea motemoli mato, “Ngohi tohioriki ahao naga o Mesia woboa abe iwifetongo o Kristusu de nako Una woboaka de ahao mata-mata womihitararono ngomino.”

Hidingoto 13:28

De ma oraha iwitailako de ko yamakeua ma titi hiadono kiani iwihohonenge, masara ngaro hokogea ma yogahoko o Pilatusika la ka iwihohonenge dika.”

Hidingoto 13:38

“Ahi gogianongoru, ngohi duru togahoko la nitotoihene ahi demo-demoino naa! Angamoi duru o Yesusino dika ka idadi Ma Jou waofi ti ngini nia howo-howono Unangika. De onagona dika iwingaku Unangika ona gea yahihoheoka manga hohowonino, de Ma Jou waetongo onangika wato yototiaioka to Una ai himangoka. Abe ma dodihirainohi de ngaro o Musa ai Pareta hatobanii-niiki masara ko ma iwa abe Ma Jou waetongo yototiaioka ma titi genangino.