Matiusu 27:16 - Ma Jou ai Demo-demo o Totobelohoka

¹⁶ De ma oraha gea o bui ma tau ma goronaka naga womatengo ai romanga o Barabasa, abe una gea o nyawa mata-mata iwihikokioriki ma titi ai datoro ma dorou.

Matiusu 27:16 ပူးပေါင်းရင်းမြစ်များ

Matiusu 27:15

De o Pilatusu ai hirahi naga abe o tao-taongiye nako o Totilakuru ma rame-rame adonoka de o nyawa yomatengo wahiluasa abe ona yabui-buika. Abe o Pilatusu wahigunoa o nyawa yowoe-woeika la yairiki, de onagona dika yairi-iriki, ona gea ahao wahiluasa o bui ma tauino.

Matiusu 27:17

Ho ma ngorumino gea de o nyawa yowoe-woe yomatoomuino o Pilatusu ai tau ma loaka, ho una waleha onangika wato, “Nako ona yahinooto naa, onaguna ngini niairiki la tahiluasa nginika? Tihiluasa o Barabasa ekola tihiluasa o Yesusu abe iwihiromanga nia Mesia de nia Koano?”

Maruku 15:7

De ma oraha gea o bui ma tau ma goronaka naga womatengo ai romanga o Barabasa, abe una gea de ai dodiawo yotobadodiai o kokangamo manga poparetaika. De nengokadau abe manga popareta yalawana ma gogiriaka de o nyawa watomaka o Barabasa.

Lukasa 23:25

De ahao wihihupu una abe o nyawa yowoe-woe yogahoko, abe nengokadauino de iwibuioka ma titi o kangamo de o doma wodiaioka. Masara nako o Yesusu Una gea wihidoaka o tentaraika la iwidiai Unangika abe hokokia o nyawa yowoe-woe manga hiningaka iwihideeoka.

Yohanese 18:40

Masara o Yahudi ma nyawa gea duru yopoa-poaka ato, “Koua, ko Unangua! Kiani o Barabasa dika nomihidoaka!” Hokogea ona manga demo la ato o Barabasa iwihihupu, ngaro una gea o nyawa ma dorou abe duru watobalawana o nyawaika.

Hidingoto 3:14

De gea ngini niwioluku Unangika abe duru wotebi-tebini de duru wototiai. De niwiribuutu o Pilatusu la wihihupu nginika womatengoli abe o nyawa watomaka.

Roma 1:32

De gea ma titi o kia hiadono manga datoro hokogea? Bote ma titi ona gea ko ihiorikua abe ahao Ma Jou wahohowono onangika? Koua, ona gea ihiorikoka abe nako Ma Jou ai Pareta, gea itemo ato onagona dika abe yatobaniiki o datoro ma dorou gea de kiani manga hohowono o honenge yadaene onanguku. De ngaro ma pareta ma demo ihiorikoka de itararono, masara ka oko dika yodiai ma dorou. De hongoli ona yosanangi dika nako o nyawa utuoli yotobadiai ma datoro ma dorou gea abe imaketero hoka onangoli ma hirete yotobadiai manga wowangoka. De hokogea o nyawa manga hininga abe ona yoluku yomahuba Unangika abe Una wonatulaadauku, de hiadono yolukoo iwihoromati Unangika. De genangino itararono abe Ma Jou ai hohowono onangika duru itiai de itaana ma titi manga hininga ma datorino.

Roma 16:7

De o Andaronikusu de o ngo Yuniasa, onangikaoo ma ahi tabea tohidingoto. Abe ona gea yahinooto ahi gogianongoru o Yahudi ma nyawaka de o Kristusokaoo. De ma dihiraino ona de ngohi imiboritaokino ho mimahibui moi. De onangoo yahingahu-ngahu o Abari ma Rorahai abe hoka ngohioli, masara nako ngohi de ona, duru ka onangohi yohira iwingaku o Kristusika.