Matiusu 27:15 - Ma Jou ai Demo-demo o Totobelohoka

¹⁵ De o Pilatusu ai hirahi naga abe o tao-taongiye nako o Totilakuru ma rame-rame adonoka de o nyawa yomatengo wahiluasa abe ona yabui-buika. Abe o Pilatusu wahigunoa o nyawa yowoe-woeika la yairiki, de onagona dika yairi-iriki, ona gea ahao wahiluasa o bui ma tauino.

Matiusu 27:15 ပူးပေါင်းရင်းမြစ်များ

Matiusu 26:5

De gea yoigo yomatohi-tohiki iwitaoko de iwitoma angamoi yohawana ato done o huruhara idadi o kawaaha manga hidogoronaka. Ho gea yomahitiari ato, “Koaho ufa ngone hitaoko abe ma oraha o Totilakuru ma rame-rame ma goronaka done ahao o kokawaaha duru inangamo de o huruhara idadi genangino.”

Matiusu 27:16

De ma oraha gea o bui ma tau ma goronaka naga womatengo ai romanga o Barabasa, abe una gea o nyawa mata-mata iwihikokioriki ma titi ai datoro ma dorou.

Lukasa 23:16

Ho naa ka tidotokohi dika de o boboha de ahao tihihupu ma rorahaiika.” [

Lukasa 23:17

De o Pilatusu ai hirahi naga abe o tao-taongiye nako o Totilakuru ma rame-rame adonoka de o nyawa yomatengo wahihupu abe ona yabui-buika. Abe o Pilatusu wahigunoa o Yahudi ma nyawa yairiki, de onagona dika yairi-iriki, ona gea ahao wahihupu o bui ma tauino.]

Lukasa 23:18

Masara o nyawa yowoe-woe genangoka ka ma moi yokokipoakiye ato, “Koua! Una gea niaoika la nihohonengoka! Koaho nihihupu o Barabasa ngomino!”

Yohanese 18:16

Masara o Peturusu ko wowohamua genangika ho una womaokoino dika o pagara ma ngoranoka abe genangoka naga o ngofeka o pagara ma ngorana ma gogoana. Masara ai dodiawo una wowohamoka ho wigilio o Peturusika de angamoi una wihioriki o tau ma dutu ho o Peturusu wihidemo o ngofekaika abe muna ma gogoana o pagara ma ngoranoka. De gea ma titi hiadono ka idadi o Peturusu wowohama ma ngoranino.

Yohanese 19:16

Ho ma bahaika de o Pilatusu waniikoka manga hininga ho wihidoaka o Yesusu onangika abe ahao ka idadi iwihidapakuika o gota isosalioaika.

Hidingoto 24:27

De hokogea dika igila-gila abe ma gubernuuru witobaahoko o Paulusu la yomakoketemo ka hiadono ai taongo hinooto ibooto wogogere genangoka. De ma taongo hinooto gea ipahaino de ahao o Felikisi iwihiguti de womatengoli wituruuru, abe ai romanga o Perekiusu Fetusu. De una gea abe iwigorakiye la wodadi to ona manga gubernuuru genangoka. De abe ma oraha o Felikisi ko wosobouahi de tanu ka idadi wihihupu o Paulusu ma rorahaiika, masara una womaputuhu wato winoaika dika o gogoana ma ngi ma goronaka. De hokogea womaputuhu angamoi una woigo la o Yahudi ma nyawa ufa iwingamo masara ka idadi iwisanangi unangika.

Hidingoto 25:9

Hokogea o Paulusu ai demo masara o Fetusu ai hininga la wato wahisanangi o Yahudi ma nyawaika, ho una wileha o Paulusika wato, “Sarakia, ngona nosanangi la ngone hoiki o Yerusaleemiye la genangoka dika iniurusu to ngohi ahi himangoka?”