Matiusu 26:75 - Ma Jou ai Demo-demo o Totobelohoka

⁷⁵ De ka de gea woihene de o Yesusu ai demo unangika kanganoika gea wohininga abe o Yesusu wotemoka wato, “O futu naa dika de nako hiadono o kuru-kuru atailoka de ngona naa nohiolukoka ma hange ibooto.” De gea o Peturusu ai hininga duru ihuhaholi hiadono wosoboka de woari waamo-amokiye.

Matiusu 26:75 ပူးပေါင်းရင်းမြစ်များ

Matiusu 10:33

Masara abe onagona dika o duniaka naa de ona yotemo ato ko ihihiorikua de ko iwa manga gogao Ngohino, de ona gea ahao ma oraha gea ahi Baba ai himangoka o Horogaka de Ngohioo totemo tato ko tahiorikua ho ko iwa manga gogao Ngohino.”

Matiusu 26:34

De ahao o Yesusu witemo wato, “Ahi dodiawo, naa tagoungu tonihingahu, bootino o futu naa dika abe ko itebinuahi, de ngona naa nohioluku. Abe bootino o kuru-kuru ko atailuahi de ngona naa nohiolukoka ma hange ibooto.”

Matiusu 26:74

De gea o Peturusu duru womahipongono de womahikoboto de Ma Jou ai romanga wato, “De naa tomahikoboto de tofetongo Ma Jou ai romanga, ho naa tagou-goungu tinihingahu nginika abe Una gea niwifeto-fetongo duru ko tihiorikua!” Ka de o Peturusu wotemo ibooto de o kuru-kuru ataili.

Yohanese 13:38

De o Yesusu wipaluhu o Peturusika wato, “Sarakia gea nagoungu noigo nohonenge la nato nohiduhunu? Ngohi duru tagou-goungu tonihingahu, bootino abe o kuru-kuru ma nauru ko atailuahi de ngona naa o nyawa manga himangoka nohioluku ma hangeou!” Hokogea o Yesusu ai babaluhu o Peturusika.

1 Korintusu 4:7

De naa tinileha de tinitaere nginika abe ngini hatoli nikurutiye o nyawa manga himangoka. Mode ka onagona inihingahu nginika ato, “Nako de o nyawa utu, ka nginiohi nisosawaro de nia demo ma ilingi inouhu”? Mode ko nihiorikua abe nia hiakunu mata-mata gea inihidoaka dika nginika? Ho nako nia hiakunu gea de ngini ka nidafongo dika, gea adodoa ho nimahigiriiri hoka nia karajaangoka de aino iboa?

Galatia 6:1

Ahi gogianongoru, nako hoka naga womatengo nginioka abe worubaka o howonuku, gea ngini abe niwinii-niiki Ma Jou o Womaha ai mau, ngini kiani niwiduhunu womatengo gea la una wolioli o totiai ma ngekomino. De gea niwiduhunu ma kiani de nia hininga ma bole-bole unangika, de kiani nimakokuduhunu abe ma titi nia hininga ma dubuho, done naga utu abe itubuhoholi manga hiningaka. De nako hokogea nimakokuduhunu, gea ngini nianiikoka o Kristusu ai behehongo nginika. Masara ma oraha niwiduhunu unangika gea de kiani nimahitiarioo de nimahidodiai done ahao nginioo inihiata-atara de niahowono abe imaketero hoka unangoli.

1 Peturusu 1:5

De mangale ma titi naga nanga ngongaku Unangika ho ngone naa Ma Jou ka ihikaika wonagoana de wonadatoko ka hiadono ma oraha abe ngone hamakeoka nanga oara gea mata-mata abe imakiniiki de nanga wowango ka hiado-adonika. Ho gea wonagoana ma titi to Una ai kuaha kohaamokino ka hiadono dokengika abe ma oraha ma baha adonoka de ahao nanga utumu wonahimatoko de wonahidoaka ngoneino la ka idadi hamake Unangoka de aino. Ho kiani hihigiriiri Unangika!