Matiusu 26:71 - Ma Jou ai Demo-demo o Totobelohoka

⁷¹ De ipaha ahao o Peturusu una o loa ma ngoranoka de naga moboaino o ngofeka momatengoli abe munangoo o huhuloko ma nyawa. De muna gea mimake o Peturusu ma ngoranoka de ahao onangika abe yomatoomuino genangoka mahingahu mato, “Una naa maraioka to Una ai dodiawo abe o Nasaretoka ma nyawa gea abe iwihiromanga o Yesusu.”

Matiusu 26:71 ပူးပေါင်းရင်းမြစ်များ

Matiusu 2:23

De genangoka ona yogogere o Nasarete ma kapongoka. De hokogea hiadono idadi abe ma dodihiraka Ma Jou ai uru ma dodofanga inahingahuoka abe ona yotemo ma titi o Koano abe Ma Jou wonahibehehongoka. De manga demo gea ihitulihukuokau ato, “Una gea ahao iwifetongo o Nasarete ma nyawa.” De itiai iwihiromanga hokogea angamoi o Yesusu wodalamoko genangoka ho una wodadioka o Nasarete ma nyawa imaketero hoka ma dodihiraka Ma Jou wotemoka.

Matiusu 26:70

Masara o Peturusu o nyawa gea manga hima-himangoka de una ka womahipongono wato, “Ngohi marai ani demo ikuranga tataoko ma titi, iya, tanu duru ko tomangaratiiua ani demo gea.”

Matiusu 26:72

Masara una ka womahipongonohi de hiadono womahikoboto wato, “Ngohi naa tokoboto moi de nako toeluku ahao ihidaene, ho naa ngohi tomahingahu, o nyawa gea niwifeto-fetongo, ngohi naa duru ko tihiorikua!”

Lukasa 22:58

De ipahaino naga womatengoli abe unangoo wimake o Peturusu de ahao witemo unangika wato, “Ngona naa to Una ai doomuino abe niwitobaniiki Unangika!” Masara o Peturusu womahipongonoli wato, “Koua! Ko ngohiua!”