Matiusu 26:67 - Ma Jou ai Demo-demo o Totobelohoka

⁶⁷ De ahao yamuruono naga iwiobiri o Yesusu ai himangoko de iwitidingi Unangika. De utuoli iwipoka-poka.

Matiusu 26:67 ပူးပေါင်းရင်းမြစ်များ

1 Kokoano 22:24

De gea ahao o Sedekia womahitigi o Mikaika de ka wipoka ai himangika. De una duru witaere unangika wato, “Ho naa bote ngona nato Ma Jou o Womaha wohinoa ngohi la ka idadi wotemo ngonaikali e?”

Yesaya 50:6

Ho gea hiadono ahi porete tohidoaka onangika la ihipoha-poha, de ahi gotoaka tohidoaka onangika la hiadono yakiwuku ahi gumi. De ngaro duru ihiao itorou masara ko tomadatokua hiadono ona ihiobiri de ihihohedu de ko tomahinipo-niporua.

Yesaya 52:14

De igoungu abe o nyawa yowoe-woe duru yatodokana ma oraha iwimake angamoi duru iwitidingi de iwipoha ma ngoe hiadono ai rupa hoka iwihiramoho de ai awunu, de ngade-ngade ko ihiorikokaua ai rupa o nyawa.

Yesaya 53:3

De o nyawa iwidohata unangika hiadono ona iwioluku ho duru manga hohedu ma demo ma dorou unangika. Ho to una ai hininga ma huha duru ilamoko hiadono iwidotodiri ai badangika. De o nyawa manga ngoe ko iwigoua ho una wodadi hoka o nyawa manga gemono ma ngi. Ho de ma oraha iwitilakuru ai himangino de yomahiniporika la ufa yomalega unangika. Hokogea ngone o nyawa hiemono unangika de ngone hifetongo hato una duru ko kia-kiaua iwidaene.

Yeremia 20:2

Ho o Pasuru gea wohiaturu la kiani o Yeremia iwitaoko de iwipoha-poha de ahao o Yeremia ai lou ihidopilatuku de o gota Ma Jou ai Tau ma ngoranoka abe ma romanga o Benyamini ma Ngorana.

Mika 5:1

Ma Jou wotemo hoka o Beteleheeme ma kotaika wato, “Ngona, o Beteleheeme Efaraata ma kota, Ngaro o Yehuda ai tonaka ma kota mata-mataika, Ma ka ngonahi duru noeteke. Masara Ngohi ahao tonihikurutiye, Angamoi naga o koano tile ani goronaino, Una gea tigoraka la ahi nyawa wahipareta. Gea Una wahikoano o Isiraele ma nyawa, Abe ka ma dodihirainohi de Una nagau.”

Gegetongo 12:14

De Ma Jou o Yawe wipaluhu o Musaika wato, “Nako o ngofeka modiai itorou hiadono ami baba womiobiri ami himangoko de ami hohowono kiani o maleke ma amoko hiadono ngini nimihikatingaka nia doomu ma goronaino ami wange tumidino ma dekana! Ho gea o ngo Miriama munangoo hokogea nimihihupu nia doomu ma goronaino hiadono ami wange tumidi ami dekana kiani mogogere ami maleke ma goronaka genangoka. Ma nako ami wange tumidi gea ibooto de ahao ka idadi ngini nimidafongoli muna gea.” Hokogea dika Ma Jou wopaluhu.

Matiusu 26:68

De gea ai lakoko apakitoka de o ngoere ma belaka la ufa wamake de ahao ona yomakokawalimi iwipoha de ahao iwileha ato, “Ei, nako Ngona igoungu o Mesia abe Ma Jouoka de naino, gea ngaro ani lako miapakitoka masara ka idadiohi nomimake abe minipoha-poha. Ho abeika nomihingahu onagona inipoha naa? De naangoli, sarakia onagona inipoha? Abeika nomihingahu!”

Matiusu 27:30

De ahao iwiobiri Unangika de ma tutukunu yaleinoli Unangino de iwihipoha-poha ai peauku de ma tutukunu gea.

Matiusu 5:39

Masara Ngohi naa tinidotoko tato ufa nialawana o nyawa ma dorouika! Ho nako womatengo winipoka nia kikihinino, de gea ngini nimaleloro nia pea la nia kikihini ma honongali enangoli yapoka.”

Maruku 10:34

De o popareta gea ahao ihihohedu, de ihiobi-obiri, de ihipoha-poha de o hohonenge ma boboha. De gea ipaha de ahao ihihohonenge. De ngaro tohonengoka masara o wange hange dika ipahaika de tomomikokali.” Hokogea o Yesusu womahingahu onangika.

Maruku 14:65

De ahao yamuruono naga iwiobiri o Yesusoko. De ai lakoko apakitoka de o ngoere ma belaka la ufa womahioriki de ahao ona yomakawalimi iwitidingi de ahao iwileha ato, “Ei, nako Ngona igoungu naga ani sosawaro Ma Jouoka de aino, abeika nomihingahu onagona initidingi naa? De naangoli, sarakia onagona initidingi? Abeika nomihingahu!” De abe ona yotobagoa-goana o Yesusu iwiaoika de onangoli iwipoha-poha.

Maruku 15:19

De ona mata-mata yomakokawalimi iwimia-mia irupa-rupa. Naga utu iwihipoha-poha de manga tutukunu ai peauku, de utuoli iwiobiri, de naga utuoli atotilabukuku ai himangoka abe ma rupa hoka yomahuba Unangika ma gea ka iwimia-mia dika.

Yohanese 18:22

Ma ka de o Yesusu wopaluhu hokogea de naga womatengo abe o gogoana una o Yesusu wipoka ai himangoko de witaere wato, “Adoo, una naa nanga hidimono wokurutiye Ma Jou ai himangoka de Ngona gea onaguna hiadono nato ka idadi notemo hokogea unangika?”

Yohanese 19:3

Ho gea yodiai ibooto de ahao o tentara gea yomakawalimi iwipoka ai himangoko de iwihohedu ato, “Abeika o Yahudioka manga koano! Ngomi duru minigahoko ma owa ngonaika!”

1 Korintusu 4:13

O nyawa imihiade-ade de ma dorou, masara ngomioli miabalaha mitemo-temo ma owa dika onangika. De ka hiadono ma oraha naa naga ngomi midadioka hoka o wale dika de o dunia ma peseke.

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.