Matiusu 26:58 - Ma Jou ai Demo-demo o Totobelohoka

⁵⁸ De o Peturusu una wihidoo-doduru o Yesusu ai poretino. De hokogea wihidoo-doduru ka hiadono o tau gea ma loaino womahiadono. De ma loaka gea naga manga huhuloko yamuruono naga yogogerukuoka, ho o Peturusu waika de womahisapurika de manga huhuloko gea la wato woihene de wohioriki abe hokokia idadi o Yesusika.

Matiusu 26:58 ပူးပေါင်းရင်းမြစ်များ

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Matiusu 5:25

De o Yesusu wogila-gilali wadotoko wato, “Nako idadi nginioka abe nimaketeliliaroka de o nyawa utu, gea koaho itaiti nimahiketehilooa la nia gogao itiaiokali. Angamoi done ona gea iniao o hiurusu ma ngiika la done initae genangoka. Ho koaho ko niloikuahi ma hiurusu ma ngiika de nimahikaaturoka la nia hininga iboriuwinoka de ko iwaka nia hininga ma ngamo ma dohata. Angamoi nako ngini iniurusu, gea ahao ka idadi yoputuhu ato ngini kiani nifangu nia musuika de inihidoaka o bui ma tau ma gogoanika la inibuioka.

Lukasa 22:54

De ahao ona iwitaokino o Yesusu de iwiao manga hidemo Ma Jouiye manga hidimono wokokurutiye ai tauika. De o Peturusu una wihidoo-doduru o Yesusu.

Yohanese 18:25

De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”

Yohanese 19:6

Ma ka de o Yesusu iwimake de ona o hohidemo Ma Jouiye abe ka onangohi yokurutiye de ona yogoa-goana Ma Jou ai Tau yomulaenge yokokipoa-poaka ato, “Niwihohonenge dika! Niwihidapakuika o gota isosalioainoka!” De o Pilatusu wapaluhu onangika wato, “Ngini dika niwile de niwihohonenge la iti ngini niwihidapaku angamoi nako ngohi ai howono moioo de ko tamakeua.”

Yohanese 7:32

Hokogea o nyawa yotemo yomakokuhudu dika ma titi o Yesusu, masara manga demo gea naga yoihene o Farisi manga doomuino ma nyawa. Ho o Farisi ma nyawa gea de o hidemo ma nyawa Ma Jouika yomakoketemohi abe hokokia yodiai la ibootohi o Yesusu wodotoko hokogea. Ho yomakoketemo ibooto de ahao yomakiniiki yoiki onangika abe yogoa-goana Ma Jou ai Tau de yahuloko onangika ato, “Niloiki, o Yesusu gea kiani niwitaokoka!” Ho ona gea yogoa-goana Ma Jou ai Tau yaduhuloko la ato iwitaoko o Yesusu, masara ona ko iwimoroinuahi iwitaoko.

Yohanese 7:45

De ona yogoa-goana Ma Jou ai Tau abe iwiduhuloko la o Yesusu iwitaoko, ngaro onangoo ma ko iwitaokua. Ho ma oraha yolio o Farisi ma nyawaika de manga hidemo Ma Jouika, de manga hidimono utu duru yataere Ma Jou ai Tau ma gogoanika gea ato, “Ei, Una gea ko niwiaoinoua? Adodoa ho ko niwitaokua?”

Hidingoto 5:22

Masara manga nyawa yoiki ma bui ma tauika de ko yamakeua o hidingoto ma nyawa angamoi ko yaiwaka. Ho ka yolio manga hihira ma doomuika de yahingahu ato,

Hidingoto 5:26

De ahao abe yotobagoa-goana manga haeke una de ai nyawa yamuruono naga yoiki Ma Jou ai Tauika de ma moioli yataokino o hidingoto ma nyawa gea. Masara abe ma oraha yataokino de duru ihidodiai la ufa yapoha-poha onangika ma titi yamodongo ato done ahao o kokawaaha yangamo de yahohonenge de o hakaru.