Matiusu 26:51 - Ma Jou ai Demo-demo o Totobelohoka

⁵¹ De ahao ka itodokanino de womatengo abe o Yesusu iwinii-niikino womahitigi-tigino de ai humaranga womagoraka de womatengo wioto hiadono ai ngauku wahahangoka. Abe una gea ai ngauku wahahangoka, una manga hidemo Ma Jouiye manga baluhu wokokurutiye ai gilaongo.

Matiusu 26:51 ပူးပေါင်းရင်းမြစ်များ

Matiusu 26:35

De o Peturusu ai demo duru widobuturungu wato, “Koua! Hokogenangua! Ngaro ngohi de ngona homahidohonenge ma ka tomodeke. Ngohi duru ko toniolukua!” De hokogenangoli o Peturusu ai dodiawo utuoli ona mata-mata yokokitemo o Yesusika de manga demo gea imakadaene hoka o Peturusoli ai demo.

Maruku 14:47

Masara naga womatengo womahitigi-tigino de ai humaranga womagoraka de womatengo wioto hiadono ai ngauku wahahangoka. Abe una gea ai ngauku wahahangoka, una o nyawa manga gilaongo, abe to una ai dutu gea manga hidemo ma nyawa Ma Jouiye manga baluhu wokokurutiye.

Lukasa 9:55

Masara o Yesusu womadogilioro onangika de wataere ho ko wahigunoaua yodiai hokogea.

Yohanese 18:36

De o Yesusu wihingahu o Pilatusika wato, “Ahi kuaha ko o duniakaua de aino la hiadono ka idadi o nyawa tahikoano. Angamoi nako hokogea ahao naga ahi gogoana ka idadi yapoa ihiduhunu la ufa ahi gogianongoru o Yahudi ma nyawa naa ihitaoko hokonaa. Masara to Ngohi ahi kuaha ko o duniainoua, ma, o ngi moiokali de aino hiadono ka idadi o nyawa tahikoano.”

2 Korintusu 10:4

Abe ngomi naa ko miapakeua o duniaka ma dae masara ngomi miapake to Ma Jou dika ai dae abe ena gea duru de ma buturungoka. De ngomi miapake ai dae gea angamoi ngaro ai musu ma buturungu naga, masara ka to Ma Jouohi ai dae duru iputurungu hiadono ka idadi wohiwedere ai musu ma buturungu. De ngaro naga o hilawana ma demo o nyawa manga hiningaka abe yongaku enangika hiadono iwioluku Ma Jouika, masara ngomi ka idadi mihibinaaha manga demo gea ma titi Ma Jou ai kuahaino miapake.