Matiusu 26:47 - Ma Jou ai Demo-demo o Totobelohoka

⁴⁷ De ai gogiriakahi o Yesusu wotemo iwinii-niikika gea de naga o Yudasa woboainoka, abe una yangimoi de yahinootoino masara una gea wihidoaka o Yesusu ai musuika. De nagaoo ko manga ngoe o huhuloko ma nyawa yoboaino de o Yudasa angamoi ona gea manga hohidimono yahuloko la yoboa. Abe manga hohidimono gea o Yahudi ma nyawa manga hidemo Ma Jouiye manga baluhu yokokurutiye de naga utuoli o Yahudi ma nyawa manga hohidimono. Ho ona gea mata-mata yahuloko yowoe-woeika gea la yomakiniiki yoboa la iwitaoko o Yesusu. De ona yomakokigao manga humaranga de manga boboha.

Matiusu 26:47 ပူးပေါင်းရင်းမြစ်များ

Matiusu 26:14

De ipaha de o Yudasa Isikarioto, abe una yangimoi de yahinootoino, una woiki onangika abe yodadi manga hohidemo yokokurutiye Ma Jouiye.

Matiusu 26:46

Nimaokoiye la hosobo habuhuku ona gea abe yoboaino! Abeika, abe naa wohihidoakoka ahi musuika, abe una naa woboainoka!”

Matiusu 26:48

Masara ma dihira abe ko yoikuahi de o Yudasa wadotokokau onangika wato, “Nako haika de Una abe tibounu, de Una gea kiani niwitaoko.” Hokogea wadotoko o Yudasa.

Matiusu 26:55

De ahao o Yesusu wotemo yowoe-woeika wato, “Adodoa ho hiadono nia humaranga de nia boboha nimagao la niato nihitaoko? Gea nia hininga done sarakia? Niato bote Ngohi naa o nyawa ma dorou abe tatobalawana nanga popareta ho hiadono kiani naga nia dae la ka idadi nihitaoko? Masara nengokadauinohi o wange-wangeiye Ngohi naga de de ngini Ma Jou ai Tauoka abe tinidotoko, masara gea de ko nihitaokua.

Hidingoto 1:16

“Ahi gogianongoru, abe idadioka naa ma duru o Yudasika, gea kiani idadi unangika duru imaketero abe hoka Ma Jou o Womaha wonahingahuoka to Una ai Demo-demoino. Abe duru ma dodihiraka nanga tofora o Dautu ai uruino wonahingahu ma titi gea. Abe o Yudasa una wodadi to ona manga hihira abe ma doomu gea yoboaino de iwitaoko o Yesusu de iwiaoika.