Matiusu 26:40 - Ma Jou ai Demo-demo o Totobelohoka

⁴⁰ De womaniata ibooto de ahao wolio ai dodiawoika. De waika de wamake ona yomakokiiduoka de yakokiookoka. De watumomiki de o Peturusika witaere wato, “Dodiawo, inikiookokau. Mode adodoa ho ko niapoaua nimagoana ka o takoro moiino dika ma dekana?”

Matiusu 26:40 ပူးပေါင်းရင်းမြစ်များ

1 Kokoano 20:11

De o Ahaba, o Isiraele ma nyawa manga koano, una wipaluhu o Bene-Hadadika de ai hitiari ma demo, wato, “O tentara abe ka womahidiaiohi la ahao o nyawa waparangi de tanu ufa una wohitihira de ai lolaku ma higiriiri la womagorakiye. Masara nako o tentara wolakuoka hiadono wolioka o parangi ma lolakuino de ai parangi ma dadatoko ma baju wahuputu ibootoka de ahao itaana una womahigiriiri.” Hokogea o Ahaba ai babaluhu ma demo o Bene-Hadadika.

Matiusu 25:5

De ona mata-mata iwidodamaa una woila-ilaka masara una wokapaanga woboaino, ho ona yangimoi yomakokiiduoka de yakokiookoka.”

Matiusu 26:35

De o Peturusu ai demo duru widobuturungu wato, “Koua! Hokogenangua! Ngaro ngohi de ngona homahidohonenge ma ka tomodeke. Ngohi duru ko toniolukua!” De hokogenangoli o Peturusu ai dodiawo utuoli ona mata-mata yokokitemo o Yesusika de manga demo gea imakadaene hoka o Peturusoli ai demo.

Matiusu 26:38

De Una womahingahu yaruangeika wato, “Ahi dodiawo, naa ahi hininga duru ihuha, abe duru ihilungunoka hidutu tamao hoka ngade-ngade tohonenge naa. De ngini nimagoo-gogerohi nenangoka dika de ufa inikiooko.”

Matiusu 26:41

De ahao o Yesusu wahibehehongoli onangika wato, “Ngini kiani niwangoroka de nimaniata Ma Jouiye la ufa ma dorou inihiatara de inihikala nginika. Igoungu, nia hininga ka yomodeke masara nia badanga ko apoaua!”

Matiusu 26:43

De wolioli onangika de waino de ka wamake yomakokiiduokali angamoi duru yakiookohi.

Maruku 14:37

De womaniata ibooto de ahao wolio ai dodiawoika. De waika de wamake ona yomakokiiduoka de yakokiookoka. De watumomiki de o Peturusika witaere wato, “Simono, inikiookokau. Mode adodoa ho ko napoaua nomagoana ka o takoro moiino dika ma dekana?”

Lukasa 22:45

De womaniata ibooto de womaokoino de wagilio abe iwinii-niikika, de waika de wamake ona yakokikiookoka ma titi onangoo naga de manga hininga ma huha hiadono manga giooko yahikalaka.

Lukasa 9:32

De ma oraha gea de o Peturusu de ai dodiawo yahinooto ona duru yakiookohi, masara naa yomatodokanino de yamake abe o Yesusu naga de ai medebini ma dararonoka, de yamakeoo ona yahinooto abe yomaokoino Unangoka.

Hihira 9:33

De ahao ma dawangeino ka de ma wange ipotokaiye de ngini ka idadi niabaata ma kotaika. De ma oraha gea o Gaala de ai nyawa ahao yohupu ma kotaino la inilawana nginika, de gea ahao ka idadi ngini nidiai onangika abe hokokia dika nia hininga adaene.” Hokogea ma demo abe ona iwidofanga unangika.