Matiusu 26:39 - Ma Jou ai Demo-demo o Totobelohoka39 De o Yesusu woiki hatoli watingakika yaruange gea de womamotumuku womaniata Ma Jouiye wato, “Ahi Baba, nako ka idadi, iti ufa gea ahi kangela abe itigioka idadi Ngohino. Masara iti ufa to Ngohi ahi hininga ma mau naniiki, masara tato Ngona dika Baba ani mau naniiki.” အခန်းကိုကြည့်ပါ။ |
Matiusu 26:39
27 ပူးပေါင်းရင်းမြစ်များ
Ho Ma Jou wotemo wato, “Ngohi duru tisanangi unangika hiadono ahao tigorakiye de o horomati, de Ngohi tihigogere o kuaha ma gogogeroka abe kiani ona yamake abe yodiai duru ma rorahai de yotobalaku de manga buturungu ma gahumu. De ahi huhuloko gea wamake o lolaku ma utumu hoka onangoli angamoi una womahidoaka ka hiadono wohonenge.” De una gea iwietongo de o nyawa ma dorou manga doomuoka angamoi to ona manga howono womahitounaka. De ona gea una wahidemo Ma Jouika la manga howono waofi angamoi ona manga ngoe yatotilakuroka Ma Jou ai paretaika.
Masara o Musa de o Harunu duru yomangumo yomamotumuku o tonakoka de duru manga gogianongoru gea yagahoko Ma Jouika ato, “Ma Jou, o wowango mata-mata ihititi Ngonaka de aino ho o nyawa mata-mataika manga nyawa to Ngona. Ho done sarakia Ngona nato nangamo ona mata-mataika naa ma titi womatengo dika ai howono?” Hokogea manga niniata ma demo.
De o Yesusu watemo onangika wato, “Ngini naa niato nihidodiawo ma oraha o nyawaika tahikoano, masara bote ngini ko nihiorikuahi abe nagali ma kokangela kiani niohimangohi nako nioigo la ahao nidadi o koano. Ho marai duru ko nihiorikuahi abe nimagahokoka. Ho gea abe ma oraha ahi kokangela tohimanga, sarakia, ma oraha genangoo ka idadi niapoa nihidodiawo?” De ona yahinooto iwipaluhu Unangika ato, “Iya. Ngomi ka miakunu hokogea.”
Angamoi naga manga ngoe ahao yoboaino de yomahiromanga ato, ‘Ngohi naa ma Koano abe Ma Jou winihibehehongoka,’ eko utu ato, ‘Ngohi naa Ma Jou ai uru ma dodofanga,’ masara ona gea yotobabudi dika, ko yagou-goungua. De ona gea o heheranga ma ago-agomo yahimatoko o nyawaika la ato yomahitaana abe manga dodunguu gea Ma Jouoka de aino. Gea yodiai la ato o nyawa yabudi, de tanu yoigo ato Ma Jou ai nyawaikaoo yabudi, masara gea ko adadiua yabudi onangika gea.”
Angamoi naga manga ngoe ahao yoboaino de yomahiromanga ato, ‘Ngohi naa ma Koano abe Ma Jou winihibehehongoka,’ eko utu ato, ‘Ngohi naa Ma Jou ai uru ma dodofanga,’ masara ona gea yotobabudi dika, ko yagou-goungua. De ona gea o heheranga ma ngoe ka idadi yahimatoko o nyawaika la ato yomahitaana abe manga dodunguu gea Ma Jouoka de aino. Gea yodiai la ato o nyawa yabudi, de tanu yoigo ato Ma Jou ai nyawaikaoo yabudi, masara gea ko adadiua yabudi onangika.”
De ahao o Yesusu wapaluhu onangika wato, “Naa duru tagou-goungu tinihingahu, ko moiua Ngohioka de tomahohiningaiye dika de todiai. Masara gea ena abe ahi Baba wodiai hokogenangoo imakadaene Ngohi naa todiai. Nako Ngohi dika ahi mau de todiai, gea ko todiaiua angamoi gea tamake o Baba wodiai, gea dika ka idadi Ngohioo todiai.
De gea duru ko moiua todiai abe Ngohi tomahohiningaiye dika de todiai. Ho abe ma oraha gea o nyawa manga datoro tatailako, abe tahohowono eko tahidoaka o wowango onangika, gea taniiki duru imakadaene abe toihene ahi Babaino. Ho o nyawa tahohowono itiai angamoi ko to Ngohiua dika ahi mau taniiki masara duru to ahi Baba ai mau dika taniiki angamoi gea Una wohihidingoto Ngohi.” Hokogea o Yesusu womahitararono o Yahudioka manga balu-baluhika gea.
De hiadono o nyawa iwimake to Una ai rupa imaketero hoka to onangoli manga rupa. De Una gea duru womahitipokouku de ai Babaika duru wihingounu abe hiadono o duniaka womaboa ka hiadono ai ngomaha itoaka, ma, ai hingounu ai Babaika ko itoa-toakua. Abe ngaro ai honenge gea imakadaene hoka o nyawa ma dorou manga honenge abe o gota isosalioaika iwihidapakuika, ma, Una ka wihingounohi ai Babaika.
De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.
Ho ka de wohitemo hokogea de ngohi tomamotumukuoka o malaekata gea ai louoka la tato tomahuba unangika. Masara una wohitaere ngohino wato, “Ufa hokogea nodiai! Ngona kiani Ma Jouika dika nomahuba. Angamoi ngohi naa to Una ai gilaongo abe imaketero hoka ngonali de abe hoka nanga gogianongoru utuoli abe ngone homoi-homoi hahingahu-ngahu o Yesusu ai ade-ade de duru hahigaro o nyawaika la hato ona ka idadi iwingaku Unangika. Angamoi ma hingahu ma demo abe yahigaro o nyawaika la iwingaku o Yesusika, ena gea ma hirete abe yahiakunu Ma Jou ai nyawaika la ma abari gea ka idadi yahingahu-ngahu o nyawa utuika.” Hokogea o malaekata ai demo ngohino.
ကြော်ငြာတွေ