Matiusu 26:37 - Ma Jou ai Demo-demo o Totobelohoka

³⁷ De Una wao o Peturusu de o Sebedeusu ai ngofaka yahinooto o Yakobusu de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Matiusu 26:37 ပူးပေါင်းရင်းမြစ်များ

Matiusu 17:1

De o wange butaanga ipahaika de o Yesusu wao o Peturusu de o Yakobusu de o Yohanese abe to Yakobusu ai dodoto, de ona yaruange gea wao de wahihira-hira la yodoa daku o loku kohagurutiye.

Matiusu 20:20

De ipahaino de o Sebedeusu ai ngofaka yahinooto o Yakobusu de o Yohanese, abe o Yesusu iwinii-niiki yangimoi de yahinootoino, ona de manga meme yoboa o Yesusino. De manga meme matilabukuku o Yesusu ai himangoka la mato mogahoko moi Unangino.

Matiusu 4:18

De ma moiuku o Yesusu wotagi-tagi o Galilea ma akere ma ngooto ma ngigorino de genangoka naga Una wamakeika yahinooto o ria-dodoto. Abe ma riaka gea ai romanga hinooto, abe moi iwihiromanga o Simono, de ai romanga moioli o Peturusu. De ai dodoto ai romanga o Andareasa. De ona yahinooto yomatobalingi-lingiri o nawoko la genangoka yomamake o tiwi, de abe ma oraha o Yesusu wamake de ona manga gogiriaka manga homa yodotumo o akeruku.

Matiusu 4:21

De o Yesusu wogila-gilali de abe ona yahinooto iwinii-niiki, ma ko yokurutikauahi de yamakeoli naga o ria-dodoto yahinooto, de ona gea manga romanga o Yakobusu de o Yohanese, to Sebedeusu ai ngofa-ngofaka. De gea ona yahinooto yogogerukuoka manga ngotiri ma amo-amoko ma goronaka de manga baba, abe ona mata-mata manga homa ihidodiai genangoka. De onangoo wahoko onangika la onangoo ka idadi iwiniiki o Yesusu.

Maruku 5:37

Witemo ipaha de wogila-gila o Yairusu ai tauika, masara ona yowoe-woe ko wahigunoaua iwiniiki. Abe iwiniiki gea naga yaruange dika, abe o Peturusu, de o Yakobusu, de o Yohanese o Yakobusu ai dodoto gea, ona yaruange dika iwiniiki.

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Yohanese 12:27

De o Yesusu wohigila-gila wotemo wato, “Ahi hininga naa duru ihuha! Ho koaho hokokia tomagahoko ahi Babaika? Sarakia, irahai la ahi gogahokino totemo tato, ‘Baba, tomagahoko la nohihihupu ahi kangelaino naa.’ Koua, ko togahokua hokogea mangale duru ma titi Ngohi toboa la toohimanga ahi kangela. De naa ahi kangela ma oraha adonoka.”