Matiusu 26:33 - Ma Jou ai Demo-demo o Totobelohoka

³³ De to Yesusu ai demo gea abe ma titi ona ahao iwikokiporete, gea ai demo o Peturusu woihene de ahao womahingahu wotemo de ma buturungu wato, “Ahi Baluhu, ngaro ona naa mata-mata inikokinoaka masara naa ngohi duru ko toninoaua.”

Matiusu 26:33 ပူးပေါင်းရင်းမြစ်များ

Matiusu 26:32

Masara ahao tomomikoli ahi honengino, de gea ahao Ngohi toiki tohira o Galilea ma tonakika, de ngini ahao nihihidoduruino.”

Matiusu 26:34

De ahao o Yesusu witemo wato, “Ahi dodiawo, naa tagoungu tonihingahu, bootino o futu naa dika abe ko itebinuahi, de ngona naa nohioluku. Abe bootino o kuru-kuru ko atailuahi de ngona naa nohiolukoka ma hange ibooto.”

Maruku 14:29

De to Yesusu ai demo gea abe ma titi ona ahao iwikokiporete, gea ai demo o Peturusu woihene de womahingahu de ai buturungu wato, “Ahi Baluhu, ngaro ona naa mata-mata inikokiporete masara ngohi naa duru ko toniporetua.”

Lukasa 22:33

Masara abe o Yesusu wotemo wato ahao o Peturusu worehene, gea ena ma demo o Peturusu ko wodafongua, ho una wato, “Ahi Baluhu, ngohi naa tomahidiaioka la ngaro inihingohama o bui ma tauika eko ngaro inihohonenge, ma ko toninoaua Ngona, ho ngaro homahidohonenge ka ma moi masara gea ka todafongo dika!”

Yohanese 21:15

Ho gea yolomo ibooto de o Yesusu wileha o Peturusika wato, “Simono, to Yohanese ai ngofaka, sarakia, nako ngona de ani dodiawo mata-mata naa, gea ka ngonahi nagou-goungu nohidora?” De o Peturusu wopaluhu o Yesusika wato, “Ahi Baluhu, Ngona nohioriki igoungu tonidora.” De o Yesusu wotemo wato, “Ona abe ihiniiki tahiketero hoka o domba ma ngofaka ho naa kiani onangika natofo.”

Roma 12:10

De kiani nimakodora de nia hininga ma gahumu abe hoka itiai o ria-dodoto o tau moioka yomakodora. De kiani ngini duru nimaketehoromati la hiadono ko ti nginiua ma hirete nia perelu nihitihira masara nia gogianongoru manga perelu enangohi niolegaika.

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.