Matiusu 26:25 - Ma Jou ai Demo-demo o Totobelohoka

²⁵ De ahao o Yudasa abe una gea ahao wihidoaka ai musuika unangoo wileha o Yesusika wato, “Ahi Baluhu, tonganono ani demo naa ko ngohinoua ma dumutu!” De o Yesusu wotemo wato, “Ngona ma hirete nafetongokau ma demo.”

Matiusu 26:25 ပူးပေါင်းရင်းမြစ်များ

2 Kokoano 5:25

De ipahaino abe ma oraha o Gehasi woboa o Elisa ai himangino de o Elisa wileha wato, “Gehasi, kangano ngona o kiaino noboa?” De wipaluhu wato, “Ngohi naa ko kia-kiaikaua toiki.”

Matiusu 23:7

De duru yoigo la o nyawa yahayanga onangika o kiaka naga abe o nyawa yowoe-woe, de yoigo la o nyawa yafetongo onangika ato, ‘Mia Guru.’”

Matiusu 23:8

“Masara nako ngini naa, ahi gogianongoru, ngini mata-mata ka nimakoketero dika Ma Jou ai himangoka abe ma titi nia gogere, ho ufa niagorakiye o nyawa utu de niafetongo ‘Mia Guru’ onangika, angamoi tanu ti ngini nia Guru ka womatengo dika.

Matiusu 26:14

De ipaha de o Yudasa Isikarioto, abe una yangimoi de yahinootoino, una woiki onangika abe yodadi manga hohidemo yokokurutiye Ma Jouiye.

Matiusu 26:49

De naa woboaino o Yudasa de womataiti woboa o Yesusu ai himangino de witemo wato, “Ahi Guru.” De ahao wibounu o Yesusika.

Matiusu 26:64

De gea ahao o Yesusu wipaluhu wato, “Igoungu Ngohi naa. De ngini ahao nihimake Ngohi o Nyawa ma Ngofaka, abe toboa o Horogaka de tauku masara o nyawaino tomaboa, gea nihimake abe ma oraha togogere Ma Jou Wolaku-laku ai nirakoka de abe Ngohi daku o Horogaka ma oraha o lobi-lobi ma goronaka totagi. De gea nihimake de ngini duru nihioriki hokokia ikokurutiye ahi gogere.”

Matiusu 27:11

De ma oraha gea o Yesusu naga o Roma ma gubernuuru o Pilatusu ai himangoka. De gea o Pilatusu witailako Unangika ho wileha wato, “Sarakia, Ngona naa igoungu o Yahudioka manga koano?” De wipaluhu wato, “Abe gea ngona nohihiromanga.”

Lukasa 22:70

De ona mata-mata iwileha ato, “Ho mode gea nomahiromanga nato Ngona naa Ma Jou ai Ngofaka?” De wapaluhu wato, “Nia demoino gea de duru niagoungu.”

Yohanese 18:37

De o Pilatusu wilehali wato, “Ho igoungu, Ngona o koano?” De o Yesusu wihingahu wato, “Ngona nagoungu nohifetongo nato Ngohi o koano. Abe Ngohi naa toboa o duniauku, de hiadono tomaboa naangoka, gea mangale ma titi la o demo ma gou-goungu ka idadi tahingahu-ngahu o nyawaika. De onagona dika yoigo ma gou-goungu, ona gea ihihigihene.”

Yohanese 4:31

Ka de ona doka o kapongoka yoiki de ma humuoka naga ona abe o Yesusu iwitobaniiki iwihileha la wolomo ato, “Mia Guru, iti ma hohutulu nolomohi.”