Matiusu 26:21 - Ma Jou ai Demo-demo o Totobelohoka

²¹ De ahao naga yolomo manga gogiriaka de o Yesusu wahingahu onangika wato, “Naa duru tagou-goungu tinihingahu abe womatengo nginino ahao wohihidoaka ahi musuika.”

Matiusu 26:21 ပူးပေါင်းရင်းမြစ်များ

Matiusu 26:2

“Marai ngini nihiorikoka abe hinootoka de imulaenge nanga Totilakuru ma rame-rame. De naa tinihingahu abe ma oraha gea de Ngohi o Nyawa ma Ngofaka ahao ihihidoaka o nyawa utuikali la ahao ona gea ihihohonenge abe ihihidapakuika o gota isosalioaka.” Hokogea Una womahingahu abe hokokia ahao idadi Unangika.

Matiusu 26:22

De ka de ai demo gea yoihene de manga hininga ikokihuhaka. De yomakokawalimi yotemo ato, “Ahi Baluhu, tonganono ani demo naa ko ngohinoua ma dumutu!”

Yohanese 13:18

De o Yesusu ka wahingahuohi ona iwitobaniikika wato, “De igoungu kangano ahi demo ma goronaka de tato ngini naa nitebinoka masara gea ma dumutu ko ngini mata-mataikaua. Angamoi o nyawa abe tairikoka Ngohi duru tahioriki ona gea. De ma titi nena tinihingahu la ahao idadi duru imaketero hoka ma dihira ihitulihukuoka, abe Ma Jou ai Demo-demoka itemo ato, ‘Womatengo abe miolomo mimahidodai moi, una gea wodadioka ahi musu.’”

Yohanese 13:21

Gea o Yesusu wahingahu ona iwitobaniikika ibooto de ai hininga duru ihuha de wahingahuoli onangika wato, “Naa tagou-goungu tinihingahu, naga womatengo nginioka ahao wohihidoaka ahi musuika.”

Yohanese 13:22

Ka de o Yesusu ai demo gea yoihene de ona iwitobaniiki duru yomaketedamaanoka de doka manga hiningaka yomatemo ato, “Onaguna ma titi hiadono hokogea ai demo?”

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.

Himatoko 2:23

De o ngo Isebele gea ami nyawa abe iminii-niiki, ona ahao tahibinaahaka de o hohonenge. De ahi hohowono gea ona yamakeoka de ahao o gareja ma doomu mata-mataika duru ihioriki abe Ngohi duru tatailako o nyawa manga hininga ma dolaka de manga hidee hokokia manga hininga ma goronaka, de gea ahao tahibalaha onangika abe hokokia imakiniiki de manga hininga gea. Ho o gareja ma doomu mata-mata ka idadi duru ihioriki abe ngaro nginioo, ma gea ngini homoi-homoi tohibalaha nginika abe hoka duru imakiniiki de ti ngini homoi-homoiika nia wowango ma datoro hokokia.”