Matiusu 26:18 - Ma Jou ai Demo-demo o Totobelohoka

¹⁸ De Una wopaluhu de wahibehehongo onangika wato, “Ngini niloikohi doka ma kotaika. Doka ahao niwimake womatengo nanga dodiawo. De unangika gea niwitemo kiani hokonaa niato, ‘Hobata, nanga Guru wonihibehehongo wato, “Ahi gahe adonoka, de Ngohi toigo la bootino o Totilakuru ma rame-rame ma inomo Ngohi de abe ihinii-niiki ngomi miolomo to ngona ani tauoka.”’”

Matiusu 26:18 ပူးပေါင်းရင်းမြစ်များ

Matiusu 21:3

Masara nako o nyawa initaere ato, ‘Nihidodoa ho manga keledai gea de niahohe?’, gea de ahao kiani niapaluhu onangika hokonaa, niato, ‘Mia Baluhu Una woperelu.’ De nako nianiiki ahi demo gea de ahao ka yosanangi dika ihidingoto ma aewani Ngohino.”

Matiusu 23:10

De ufa nginioka de utu niagorakiye la niafetongo niato ‘Mia Baluhu’ onangika, angamoi tanu ngini mata-mata ka nimakokadaene dika nia gogere Ma Jou ai himangoka. De nako ti ngini nia Baluhu idodutu, gea Ngohi tomatengo dika o Kristusu, ho ufa o nyawaika dika de nimahibaluhu onangika.

Matiusu 23:8

“Masara nako ngini naa, ahi gogianongoru, ngini mata-mata ka nimakoketero dika Ma Jou ai himangoka abe ma titi nia gogere, ho ufa niagorakiye o nyawa utu de niafetongo ‘Mia Guru’ onangika, angamoi tanu ti ngini nia Guru ka womatengo dika.

Matiusu 26:19

Ka de wahibehehongo ibooto iwinii-niikika gea de ahao ona yosobo yoiki doka ma kotaika. De ma kotaka aika de yodiai abe imaketero dika hoka o Yesusu wotemoka mata-mata. Ho to manga dodiawo gea ai tauoka de ona ihidiai o Totilakuru ma rame-rame ma inomo genangoka.

Matiusu 26:2

“Marai ngini nihiorikoka abe hinootoka de imulaenge nanga Totilakuru ma rame-rame. De naa tinihingahu abe ma oraha gea de Ngohi o Nyawa ma Ngofaka ahao ihihidoaka o nyawa utuikali la ahao ona gea ihihohonenge abe ihihidapakuika o gota isosalioaka.” Hokogea Una womahingahu abe hokokia ahao idadi Unangika.

Matiusu 26:49

De naa woboaino o Yudasa de womataiti woboa o Yesusu ai himangino de witemo wato, “Ahi Guru.” De ahao wibounu o Yesusika.

Maruku 5:35

O Yesusu ka yomakoketemohi de ma ngofeka gea de naga womatengo o Yairusu ai tauino woboa de witemo o Yairusika ato, “Marai ngoni ora mohonengoka, ho ibootoka nanga guru gea niruwae.”

Lukasa 22:53

Masara nengokadauinohi o wange-wangeiye Ngohi naga de de ngini Ma Jou ai Tauoka abe totobadotoko, masara gea de ko nihitaokua. Ma gea adodoaua, angamoi ma oraha naa naga idadioka ti ngini nia oraha la ti ngini dika nia hininga ma igo ilaku, abe ma oraha naa o fufutu ma kuaha itagi o duniaka.”

Yohanese 11:28

Gea o ngo Marata motemo ibooto de ahao moiki momigilio ngomi dodotika, o ngo Maria gea, de momitauru de momihihuduika dika munangika mato, “Nanga Guru woboaka de wonibehehongo.”

Yohanese 12:23

Ka de manga gogahoko gea woihene de o Yesusu wahingahu ona mata-mataika wato, “Ma oraha adonoka la Ma Jou wahimatoko o nyawaika abe to Una ai medebini ma dararono itagi Ngohi o Nyawa ma Ngofakino.

Yohanese 13:1

Ngade-ngade adonoka o Totilakuru ma rame-rame abe ma dawangeino de o Totilakuru ma inomo yolomo. De gea o Yesusu wohioriki ai gahe adonoka abe kiani o dunia wanoa la wolio ai Babaiye. De o nyawa o duniaka abe yodadioka to Una ai nyawa, ko iwa ma oraha la o Yesusu ko wadoraua. Masara naa de ahao wahimatoko to Una ai nyawaika abe ai dora ma gahumu onangika hiadono ngaro wohidohonenge masara duru ko itoakua ai dora gea.

Yohanese 17:1

Ka de o Yesusu ai behehongo gea wahingahu ona iwitobaniikika ibooto de ahao womamatagaiye o Horogaiye de womaniata wato, “Ahi Baba, ahi kangela ma oraha adonoka! Ho Ngohi ani Ngofaka naa ahi medebini ma dararono nahimatoko o nyawaika! Nodiai la gea ka idadi to Ngonali ani medebini ma dararono Ngohi ani Ngofaka tahimatoko onangika.

Yohanese 20:16

Masara Una gea o Yesusu ho womiahoko dika ami romangika wato, “Maria.” Ka de womifetongo hokogea de duru midodiaiika mihimanga o Yesusika de motemo de o garago ma demo mato, “O Rabuni!” abe nako o Yahudi ma nyawa manga demo, o romanga gea duru de ma horomatioka abe yapake manga guruika.

Yohanese 7:30

Ka de ai demo gea yoihene de o Yahudi ma nyawa genangoka duru ihitaili iwitaoko o Yesusu masara ko moiua ka idadi iwiso angamoi ma oraha ko adonuahi abe o nyawaino ka idadi iwitaoko.

Yohanese 7:6

Ho o Yesusu wapaluhu onangika wato, “Ngaro ngini o wange-wangeiye niapake nia oraha abe nitagi o kiaika dika ma ka idadi. Masara nako Ngohi o wange naa ko adonuahi ahi oraha abe Ngohi totagi genangika.

Yohanese 7:8

Ngini naa nihira dika niloiki o rame-rameika gea, masara Ngohi o wange naa ko toikuahi angamoi ko adonuahi ahi oraha toiki Ngohi naa.”