Matiusu 26:16 - Ma Jou ai Demo-demo o Totobelohoka

¹⁶ De ahao duru ma oraha genangoka de imahikaino de o Yudasa ma ngekomo womalingiri la ka idadi o Yesusu wihidoaka onangika gea.

Matiusu 26:16 ပူးပေါင်းရင်းမြစ်များ

Matiusu 26:15

De una waleha onangika wato, “Nako o Yesusu tinihidoaka nginika, gea ahao o tiwi ma gahumu muruono nihihidoaka ngohino?” De woleha ibooto de ona iwihidoaka unangika ma gahumu moruange o tiwi ise-senge abe o haakaino yodiai.

Matiusu 26:17

De ipaha o Yahudi ma nyawa manga rame-rame hinooto gea adonoka abe moi ihiromanga o Roti abe ko Iwa ma Ragi de abe moioli ihiromanga o Totilakuru ma rame-rame. De ma wange gea o Yesusu iwinii-niiki yoboa Unangino de iwileha ato, “Mia Baluhu, abe bootino homakokutuono holomo abe homahihohininga ma titi o Totilakuru, ho ngomi naa minileha, o kiaka minahidiaiohi nanga inomo?”

Maruku 14:11

De o Yudasa ai hidee wahitararono ibooto de ona duru yosanangioka de iwihibehehongo ato, “Iya, hokogea misanangi ani demoika. De ahao ka idadi o tiwi minihidoaka ngonaika.” Gea yomahiketehibehehongo ibooto de o Yudasa womulaenge o ngekomo womalingiri la ka idadi o Yesusu wihidoaka onangika.

Lukasa 22:6

De o Yudasa unangoo wosanangi de manga behehongo ho womulaenge wolingiri ma ngekomo de ma oraha la ufa o nyawa manga himangoka de wihidoaka o Yesusu onangika.

Hidingoto 24:25

De una duru wahigaro onangika abe ma titi Ma Jou ai totiai ma ngekomo de abe hokokia ngone kiani homatongohono la ufa hahowono Unangika. De nagali wahitiari ma titi abe Ma Jou ahao woboali de wonahohowono ngone o nyawa mata-mataika. De abe ma oraha o Paulusu wahingahu-ngahu gea mata-mata onangika de ma gubernuuru o Felikisi una duru wohawanoka, ho una wotemo o Paulusika wato, “Naa ngona ka idadi nolio dika ani ngiika, de ahao muruonoka dika abe nako naga ahi oraha de ahao tonibehehongoli.”

1 Korintusu 16:12

De naa abe ma titi nanga gianongoru o Apoloso, ngohi duru tihigaro la tato una waniiki nanga gogianongoru utu la ka idadi una woboa nginika de winitutumu. Masara to una ai hininga wato ko woikuahi ma oraha naa. Ma ika-ika de ahao una woboa winitutumu, iti abe ma oraha itaana.