Matiusu 26:15 - Ma Jou ai Demo-demo o Totobelohoka

¹⁵ De una waleha onangika wato, “Nako o Yesusu tinihidoaka nginika, gea ahao o tiwi ma gahumu muruono nihihidoaka ngohino?” De woleha ibooto de ona iwihidoaka unangika ma gahumu moruange o tiwi ise-senge abe o haakaino yodiai.

Matiusu 26:15 ပူးပေါင်းရင်းမြစ်များ

Dodadi 38:16

Ho ai hininga womihingahu munangika abe woigo la yomaidu de muna angamoi ko womihiorikua muna gea o ngo Tamara ngoi hunungu. De muna ko ma orahuahi yomaidu de mileha unangika mato, “Ho ngona de o kia nofangu ngohino?”

Yesaya 56:11

De to ona manga horoodo duru ilamoko abe hoka o kaholi ma horoodo, de manga hafini ko itoa-toakua. De onangoo tahiketero hoka o domba ma gogoana abe manga sosawaro duru ko iwa hiadono ona homoi-homoi manga mau yahitihira, ho yomalingiri manga boriutumu homoi-homoiika.

Matiusu 10:4

De nagahi o Simono abe una o Seloto ma doomuino ma nyawa, de naga o Yudasa Isikarioto, abe una gea ahao wihidoaka o Yesusu o nyawaika la iwitoma. De hokogea to ona yangimoi de yahinooto manga roma-romanga abe o Yesusu wahidingoto la o Abari ma Rorahai yahingahu-ngahu o Yahudi ma nyawaika.

Matiusu 26:16

De ahao duru ma oraha genangoka de imahikaino de o Yudasa ma ngekomo womalingiri la ka idadi o Yesusu wihidoaka onangika gea.

Hidingoto 1:18

De to Yudasa ai datoro ma dorou ma hewaino de gea ena ihiija o tonaka moi. De duru genangoka abe una wohonenge angamoi iwiotaka duru de ai dubuho womotumuku ma tonakuku hiadono ai pokoro idilongo ho ai wariki ihupu imata-mataino.

1 Timotiusu 3:3

De ufa wotobaokere o daluku eko wotobangamo masara kiani waabole-bole o nyawaika de ai hininga iriidi. De ufa wohafini o tiwi.

2 Peturusu 2:3

De abe ma titi ona yotobadoto-dotoko ko itiaiua, mangale ona gea duru yohafini o tiwika, ho ona gea ahao inirusi-rusi ngini ma titi manga dodotoko ma demoino la gea yomatiwi-tiwi dika nginioka. De gea manga demo ka yofeto-feto dika, de ko iwa ma titi genangino. Masara duru ma deka-dekanuku de Ma Jou waputuhokau abe ahao hokokia yamake manga hohowono, de manga bobinaaha gea ko wawohangua masara ka itigi moduku. Ho ngini ufa niahigihene onangika gea.

Hihira 16:5

De o Filistina ma nyawa manga popareta ma haeke abe yokokurutiye ona yomakiniiki yoiki imitutumu o ngo Delilaika. De ona imihingahu ato, “Naga mia gogahoko ngonaika abe duru de ma behehongoka ho idadi to ngona ani utumu duru ilamoko. Ngona kiani o Simsono niribuutu nileha abe ai buturungu ihititi o kiaino hiadono duru ai buturungu kohaamoko. De nilehali hokokia la hiadono ai buturungu gea ka idadi ihihanga. De nako ahao ai buturungu ma dogogono ma hingahu wonihingahuoka de ngona kiani nomihingahuoli ngomino la ka idadi mihihihanga ai buturungu gea hiadono wiwitaoko de wiwipakiti de ko wapoaua womaduhunu. De nako hokogea ngona nomiduhunu ahao ngomi homoi-homoi minihihadia ngonaika o tiwi o se-senge ma haakaino o sana moi de o ratuhu moi. Ho duru ngona noutumu.” Hokogea o Filistina ma nyawa manga popareta ma haeke manga hiaturu ma demo o ngo Delilaika.