De o Yesusu ka wadotokohi abe ma titi kiani o nyawa ka ihikaika yomahidiaioka angamoi ko hohiorikua ai gahe muruonoka abe woboali. De o hiketero ma ade-ade moioli woade-ade wato, “Abe ma oraha Ma Jou wahikoano ai nyawaika de gea ka idadi tohiketero hokonaa. De naga o moholehe yangimoi abe yoigo yaniiki o gogilaka ma rame-rame moi. De ma rame-rame itigioka ho ona yangimoi o futuoka de yoiki ato iwibuhuku una woila-ilaka la ka idadi yomakiniiki de de una ma rame-rameika. Angamoi hokogea to ngone nanga biaha o gogilaka ma hiaturu la yomakiniiki de una woila-ilaka. De o moholehe yangimoi gea ona homoi-homoi yao-ao manga hilo amomoi.
Matiusu 25:3 - Ma Jou ai Demo-demo o Totobelohoka3 De abe yamotoa yobodo ona gea ko iwa manga hilo ma minya la ihidogo nako iowahoka. အခန်းကိုကြည့်ပါ။ |
Matiusu 25:3
12 ပူးပေါင်းရင်းမြစ်များ
De ona gea igoungu yomadokangelukino dika abe manga datoro ngade-ngade hoka iwingaku Ma Jouika masara ona gea ko yomahigunoaua Ma Jou la de ai kuaha wahitiai manga wowangoka. Hokogea ahao idadi abe ma oraha nanga Baluhu ai gahe itigioka de gea o nyawa yodogo-dogo abe manga hiningaka itobarehene ma dorouika. De gea tato koaho ma oraha ko idadiuahi de tonihingahuoka la nohioriki abe hokokia ahao idadi. Masara ngaro ma oraha naa ma naga o nyawa utu yorehenoka. Ho o nyawa onagona dika abe manga hininga hokogea ma dorou, gea ngona kiani nadokaowaroka dika de ufa nadodiawo onangika.
De ngini kiani nimakokelega ti ngini mata-mata nia perelu nia boringongakuoka homoi-homoioka, de nimahiketehitiari done utu nginioka yorehenoka nia ngongakuino. Abe done naga utu abe yorehene hiadono manga hiningaka yomaputuhu la ato ko iwiniikokaua Ma Jou de gea ahao to Una ai hiowaikaoo, ma enangoo ma yaolukoka. De gea done hiadono to ona manga hininga gea imahora-hora ngini utuikali hiadono ko nia ngoe inihirehenoka nginioo.
De ahao Una gea wohihulokoli wato, “Naa ngona nohitulihuku ahi demo naa abe o Saridisi ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe naga Ngohioka Ma Jou o Womaha ko wokurangua ma duru wongodu-ngodumu, de o murumu tumidi enangoo naga Ngohioka.’” Hokogea Una womahingahu. De ahao Una wahibehehongo onangika wato, “Ngohi tinihioriki ti ngini nia wowango ma datoro, de tinihiorikoo abe o nyawa utu inihiromanga nginika ato o wowango naga nginioka. Masara naa Ngohi tato ngini imaketero hoka nihonengoka ahi himangoka.
ကြော်ငြာတွေ