Matiusu 25:17 - Ma Jou ai Demo-demo o Totobelohoka

¹⁷ “De hokogenangoo ma duduhunu abe wamake o gurasi o popoje hinooto ai dutuino, abe unangoo wohiaturu itiai la ma utumu wolingiri. De unangoo ko itedekanuahi de ma popoje hinooto gea idogoli abe idadi o popoje iata abe aoma-omangiye de o gurasi.”

Matiusu 25:17 ပူးပေါင်းရင်းမြစ်များ

Matiusu 25:16

“De ka de una wosobo de ai duduhunu wohira-hira abe wamake o popoje motoa ai dutuino, una gea womulaenge wapake ma tiwi gea hokokia la ahao ka idadi wamake ma hasili genangino hiadono ahao ma tiwi idogoli abe ahao wohigilio ai dutuika. De igoungu ko itedekanuahi de ma popoje motoa gea idadi o popoje ngimoi!”

Matiusu 25:18

“Masara nako ma duduhunu ma baha abe wamake o gurasi o popoje moi dika ai dutuino, una gea ko wapakeua la ma utumu wolingiri ma ka woiki de wohibaiti dika moi o guhu o tonakuku, de genanguku wagogono ai dutu ai tiwi la wato done o nyawa iwidohiki de ma tiwi ihihanga.”

Hidingoto 10:2

De una gea ai hininga la woigo ka ihikaika wihisanangi Ma Jouika. Ho una de ai tau ona mata-mata yomaketehiningamoi abe duru iwihoromati Ma Jouika. De una ai hininga ma rorahaiino wahidoa-doaka o hu-huha ma nyawaika, de ka ihikaika womaniata Ma Jouiye.

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.

Efesusu 5:16

De abe nako naga ma oraha la ka idadi o datoro ma rorahai nidiai, de gea ma oraha ufa niaumo masara kiani niale de niapake la ma rorahai gea nidiaioka, angamoi ma oraha naa naga o nyawa nanga wowango ma datoro ka idogo-dogo itorou.

Kolose 4:17

De naga moi ahi behehongo nia gianongoruika abe genangoka o Kolose ma kotaka wogogere. Ho naa o Arikipusika tihibehehongo. Hokonaa niwitemo unangika niato, “De kiani nahingodumu ma karajaanga mata-mata abe nanga Baluhu idodutu wonihitagongoka.”

1 Timotiusu 5:10

De kiani o nyawa imihayanga munangika ma titi ka ma dodihirainohi de ami wowango ma datoro irahai. Abe to muna ami ngofa-ngofaka mapaliara de madotoko itiai, de ami tauokaoo ngaro o homoa ma nyawa ma madafongo la yomahidodogumu munangoka. De nako ami gogianongoru o Yesusoka manga perelu naga, muna ka idadi momahitipokouku de maleleani onangika la mato maduhunu. De nako hiadono naga o nyawa yohuha eko yapanyakeuku, ma muna gea imimagawe maduhunu onangika. Ho kiani muna gea ka ihikaika ami wowango ma datoro ma hailoa ingodumu naga munangoka. De nako igoungu hokogea momatengo mofao ami wowango ma dihira, gea de ahao ka idadi ami romanga nitulihuku la muna ami tagongo de ami leleani naga o garejaka de hiadono mamake ami hewa ma balaha gea ami leleanioka de aino.

1 Peturusu 4:10

De ngini homoi-homoi niaborimakeoka nia hiakunu Ma Jouino abe Una winihidoakoka la ngini nimakokuduhunu nia doomuoka. De tanu nia hiakunu gea ka moiua dika masara naga irupa-rupa ma hiakunu, de ma hiakunu gea Ma Jou ai hiowa nginiuku. De gea nia hiakunu abe niaborimakeoka, gea ngini homoi-homoi kiani niapake nia doomu ma goronaka la nimaketeleleani nia gogianongoruoka. De abe ngini niaboripake nia hiakunu, gea nianiiki itiai Ma Jou ai gareja ma hiaturu ma titi ngone ai nyawaino.