Matiusu 24:35 - Ma Jou ai Demo-demo o Totobelohoka

³⁵ “De mangale ma titi to Ngohi ahi Demo-demo duru ko iwa ma baha, ho ka idadi nihioriki abe gea ahi demo nginika duru igou-goungu ka hiado-adonika. Angamoi ahao naga ma oraha abe igoungu o dunia naa de o dihangoo duru ko iwaka, masara ahi Demo-demo duru itongohono ka hiado-adonika.”

Matiusu 24:35 ပူးပေါင်းရင်းမြစ်များ

Higiriiri 19:7

Ma Jou ai Pareta gea mata-mata duru ka itotiai dika, de ka idadi nanga jiwa inahiwangoroli. To Una ai hiaturu gea duru igou-goungu hiadono ka idadi hongaku enangika, abe ngaro o nyawa biaha dika ma ka idadi inahisawaro.

Yesaya 40:8

Ho ma ruruubu imoraa, de ma huri-huri yomaai, masara nanga Jou ai Demo-demo gea itongohono de itobagou-goungu ka hiado-adonika.” Hokogea ma ilingi ihihuloko ngohino la taamo-amokiye o nyawaika.

Yesaya 55:11

De hokogenangoo de to Ngohi ahi demo abe ihupu ahi uruino, abe Ngohi tohidingotika de gea kiani ma hofoko idadi genangino. De ko ma iwa abe ahi demo yogilio Ngohino de ma homoa dika. Ko hokogenangua, masara ahi demo ahao ihihofoko ma hasili abe imakiniiki de ahi hidee enangika.”

Gegetongo 23:19

Abe Ma Jou Una ko o nyawaua ho Una duru ko woelu-elukua, De Una ko o nyawa ma ngofakua ho ai hininga ko waturuurua. To Una ai behehongo mata-mataika wohingodumu, Ho done sarakia ngona nafikiri Una wato naga moi wodiai de ngona nato bote Una ko wodiaiuali? Ena gea abe Ma Jou wato wodiai, Una de ahao kiani wodiai. Ai behehongo o nyawaika duru idadi, de imaketero hoka wotemoka ahao idadi.

Matiusu 5:18

“De naa tagou-goungu tinihingahu abe Ma Jou ai Pareta ma demo mata-mata gea duru itongohono hiadono ena homoi-homoi ihingodumoka de idadioka duru imaketero abe hoka ma dihiraino Una wonahibehehongoka ngoneino. Abe ngaro ai Pareta ma demoka de naga utu ma dulihi ma hurufu abe duru ma hohumuduru, masara enangoo ko ihihangua ma ka iwango dika. Ho imaketero hoka o dunia naa de ma dihangoo itongohono ka hiadono ma oraha ma baha adonoka, hokogenangoo to Una ai Pareta ma dongohono abe hiadono ma bahaika.”

Maruku 13:31

De mangale ma titi to Ngohi ahi demo-demo duru ko iwa ma baha, ho ka idadi nihioriki abe gea ahi demo nginika duru igou-goungu ka hiado-adonika. Angamoi ahao naga ma oraha abe igoungu o dunia naa de o dihangoo duru ko iwaka, masara ahi demo-demo duru itongohono ka hiado-adonika.”

Lukasa 21:33

De mangale ma titi to Ngohi ahi demo-demo duru ko iwa ma baha, ho ka idadi nihioriki abe gea ahi demo nginika duru igou-goungu ka hiado-adonika. Angamoi ahao naga ma oraha abe igoungu o dunia naa de o dihangoo duru ko iwaka, masara ahi demo-demo duru itongohono ka hiado-adonika.”

Titusu 1:2

De mangale ma titi nanga ngongaku Unangika de abe ma gou-goungu hataoko itiai, ho hiadono ngone ka idadi duru honganono abe ahao hamake o wowango ka hiado-adonika. Angamoi o dunia naa ko watulaadauahi de Ma Jou wohibehehongoka wato ahao ai nyawa yamake o wowango ka hiado-adonika. De angamoi Una gea duru ko wotobaelu-elukua ho ngone duru kiani hongaku abe ahao hamake nanga wowango gea abe imaketero hoka ma dodihiraka de wonahibehehongoka ngoneino.

1 Peturusu 1:25

Masara nako nanga Baluhu idodutu ai Demo-demo ena gea itongohono ka hiado-adonika.” Hokogea ai demo ma dodihiraino, de gea igoungu abe ai Demo-demo duru itongohono. De to Una ai Demo-demo gea ena o Abari ma Rorahai abe nengokadauino inihingahu-ngahuoka nginika. De genangino de ngini ka idadi nihioriki abe nia wowango ma hungi Unangoka, enangoo itongohono ka hiado-adonika angamoi gea ihititi to Una ai Demo-demoino. Ho mangale ma titi nia wowango ma hungi gea ho ngini kiani duru nimakodora de nia hininga ma gahumu.

Himatoko 20:11

De gea ipaha de ahao ngohi tamake o pareta ma kadera ma hohailoa moi ma gare-garehe abe duru kohaamoko. De Una abe naga wogogerukuoka ma kaderauku, Unangoo timake. De ka itodokanino de o dunia de ma dihangoo ka aiaho de ko iliokaua, abe gea hoka iloara Ma Jou ai himangoka de aino.

Himatoko 3:14

De ahao Una gea wohihulokoli wato, “Naa ngona nohitulihuku ahi demo naa abe o Laodikia ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ihihiromanga o Amin, angamoi ahi demo mata-mata ma gou-goungu dika, de nako hiadono totemoka, gea ahi demo hokogenangoo. De Ngohi tatobagou-goungu tahingahu o nyawaika Ma Jou ai hingahu ma demo, angamoi to Ngohi ahi demo mata-mata ka ma gou-goungu dika. De Ngohi naa Ma Jou ai dulaada ma titi de ma koano gea Ngohioka.’” Hokogea Una womahingahu.

Himatoko 6:14

De dakena o dihanga ena gea ka aiaho angamoi imaluluoka imaketero hoka o buku ma lulu idiai, de o duniaka o loku de o nuuhu amomoiika enangoo yahelo-heloroka ma ngiino.