Matiusu 24:28 - Ma Jou ai Demo-demo o Totobelohoka

²⁸ “De naa tinihingahu nginika ma dodunguu o kia abe kiani ihira idadioka de ahao Ngohi toboali, la gea ka de ma dodunguu gea niamake de nihiorikoka abe duru itigioka ahi boa. De gea duru imaketero abe hoka nia demo ma dulu abe niato, ‘Nako daku ma hoanino de hamake o koyo-koyo imatoomuino, gea hohiorikoka abe naga ma honenge daena ma timiuku.’ De nia demo ma dulu gea igoungu, angamoi nako hamake o koyo-koyo imatoomu, gea hohiorikoka naga ma honenge angamoi ma dodunguu gea hohiorikokau.

Matiusu 24:28 ပူးပေါင်းရင်းမြစ်များ

Habaku 1:8

De ona gea manga kuda duru ipalesa imaketero hoka o fuhuku ma boki ma ago-agomoli ma palesa. De hongoli manga kuda gea duru itualono hoka o fuhuku ma kaho abe imaino-inomo o wange ilobioka. Ho o Babele manga tentara ma gurutoka de yaino yoboa abe yofarene manga kudauku gea, de ahao yomataiti yomahitigino la yaparangi o nyawaika. De gea imaketero hoka o koloba abe daku ma dihangoka imalingiri ma inomo de ka itodokanino iutiuku de imale o aewani ma eteteke moi de imadoma.”

Lukasa 17:37

De ahao iwinii-niiki iwileha ato, “Mia Baluhu, ahao ma wange gea noboali de o kiauku nouti?” De Una wotemo wato, “Abe duru imaketero hoka nia demo ma dulu abe niato, ‘Nako daku ma hoanino de hamake o kawihi imatoomuino de yobobairi, gea hohiorikoka abe naga o kia naga ma honenge daena ma timiuku.’ De nia demo ma dulu gea igoungu, angamoi nako hamake o kawihi yobobairi, gea hohiorikoka naga o kia naga ma honenge angamoi ma dodunguu gea hohiorikokau. De hokogenangoo ahao ma oraha toboali de ahi boa ma ngi ko ihuhaua o nyawa yamake.” Hokogea o Yesusu wapaluhu onangika.