Matiusu 23:38 - Ma Jou ai Demo-demo o Totobelohoka

³⁸ “De naa abeika nitotoihene ahi demoino, angamoi tinihingahu abe ahao nia kota ma amokika naa de hongoli hiadono Ma Jou ai Tau, gea mata-mata ahao Una wanoaka ho duru ma homoa dika idadi nia kotaka gea.

Matiusu 23:38 ပူးပေါင်းရင်းမြစ်များ

1 Kokoano 9:7

Abe gea ngaro ma dihiraino de tinihidoaka ma tonaka naa nginika masara kiani tinihihupu ngini o Isiraele ma nyawa nia tonakoka de niaika. De hongoli Ngohi ahao tanoaika dika ahi Tau abe naa ma duruino tomadingakoka la tato genangoka tomatobanoa. De ma oraha gea ahao o homoa ma nyawa mata-mata ka inihohedu dika ngini o Isiraele ma nyawaika.

Matiusu 24:2

De o Yesusu wopaluhu onangika wato, “Igoungu, gea mata-mata duru ma hohailoa. Masara naa tinihingahu abe ika-ika de to ena ma hakaru gea ko imaritabiokaua, angamoi ma tau gea duru ikokikiliangoka!”

Maruku 13:14

“De naa moioli tinihingahu abe ahao idadi ma oraha gea. Abe naga moi ahao niamake de nia lako abe gea duru itotorou Ma Jou ai himangoka de gea imahigogere o ngi moioka abe duru ko idadiua iboa genangino. Iya, ahi demo gea kiani duru niongano-nganono la ka idadi niataoko ma titi. De ma oraha ma dodorou gea iboa genangino de niamake de nia lako, gea ahao ma baha itigioka, masara nagahi ma kokangela utu ahao iboaino. Ho ma oraha ma dodorou gea niamake de kiani ngini abe nigogere o Yudea ma tonakoka kiani nimataiti niloaroka o loku-lokuika done ma kokangela inihidotadaene nginika.

Lukasa 13:35

“De naa abeika nitotoihene ahi demoino, angamoi tinihingahu abe ahao naga ma oraha nia kota ma amokika naa de hiadono Ma Jou ai Tauoo, gea mata-mata ahao Ma Jou wanoaka, ho duru ihomoakahi dika nia kota.” “De naa moioli tinihingahuohi nginika, abe ma oraha nginioka de Ngohi tosobo de ahao duru ma dekana ipahaikahi de ahao nihimakeoli Ngohi. De gea kiani ihira ngini nihidafongohi Ngohi abe niato, ‘Una woboaino naa, Una nanga koano woboaka. Ho naa adonoka ma oraha abe Una naa wonahikoano hoka ma dodihiraka nanga tofora o Dautu wonahikoano, ho hihigiriiri Unangika!’ Ho nako hiadono ngini nihidafongo de nia demo Ngohino hokogea, gea de ahao adonoka ma oraha abe ngini ka idadi nihimakeoli Ngohi naa.” De hokogea o Yesusu ai hininga ma huha ma demo o Yahudi ma nyawaika angamoi ona yowoe-woe iwiolukoka, de Una wohiorikoka abe ahao manga hohowono kohadubuho yamake ma titi manga ngo-ngolukino gea.

Lukasa 21:20

“De ma oraha ngini niamake abe o Yerusaleeme ma kota yahigilolitino de o tentara ko manga ngoe de ka idadi nihioriki abe itigioka ma kota ihibinaahaka.

Lukasa 21:24

De utu ma oraha gea yohonenge ma titi o humarangino, de utu yataokino de yaoika o tonaka utuikali. De o Yerusaleeme ma kota ahao ona ko o Yahudi ma nyawaua yahikala enangika de adoko-doko ma kotaka gea. De ona gea ka ihikaika yadoko ka hiadono to ona manga oraha ko iwaka ho gea ahao ko yahiparetakaua.”

Lukasa 21:6

De gea o Yesusu wahitararono wato, “Igoungu, masara naa tinihingahu moi ma titi Ma Jou ai Tau naa. Ahao naga ma oraha yadono abe to ena ma hakaru gea ko imaritabiokaua, angamoi ma tau gea ahao ikokikiliangoka.”