Matiusu 23:28 - Ma Jou ai Demo-demo o Totobelohoka28 De gea duru hokogenangoo de ngini, angamoi o nyawa inimake ngini de yafikiri ato naga nia wowango ma totiai, masara doka nia hiningaka de o totiai ko nianiikua ho ka nimadokangelukino dika!” အခန်းကိုကြည့်ပါ။ |
Matiusu 23:28
13 ပူးပေါင်းရင်းမြစ်များ
“De ngini ahao nia hohowono duru kohadubuho niamake nginika abe nitobadoto-dotoko o Musa ai Paretaino de nginioo o Farisi ma nyawa! De ngini ka nimadokangelukino dika! De gea tinihiketero ngini abe nimaketero hoka o lungunu ma tau abe o nyawa ihiehe de ma rupa abe hoka o dofae la gea idadi ma gare-garehe, abe nako ma poretino homalega de hamake ma lungunu ma tau gea duru ma rupa ma hohailoa. Masara nako ka idadi homalega doka ma lungunu ma goronaika de ahao hamake o honenge ma kobo-kobongokahi de ma gorofu de ma dorou irupa-rupa genangoka.
De o Yesusu ka wataerohi onangika wato, “Ngini abe nitobadoto-dotoko o Musa ai Paretaino de nginioo o Farisi ma nyawa, ngini ahao nia hohowono duru kohadubuho niamake nginika! De ngini ka nimadokangelukino dika! Angamoi ngini nihigoko de niobilere o lungunu ma tau la duru irorahai la niato genangino de nia horomati niahimatoko onangika abe genangoka yalungunu. Abe naga Ma Jou ai uru ma dodofanga de ai totiai ma nyawa utuoli abe ma dihiraino yalungunu genangoka. Masara abe Ma Jou ai nyawa manga honenge doka ma lungu-lungunoka gea, tanu ti ngini ma hirete nia totofora abe ma dihiraino de yahohonenge onangika!
“De ona gea manga wowango ma datoro mata-mataika yodiai la ato o nyawa yamake de yahigiriiri onangika. De naa manga datoro moi yotobadiai. Abe ngone o Yahudi ma nyawa ma oraha homaniata de nanga biaha la nanga peaino de nanga giamino homahideho-dehorino de ma ngi ma eteteke gea abe ma dolaka de ma dulihoka. De ma dulihi gea Ma Jou ai Demo-demoino. Masara ona yotobadotoko o Musa ai Paretaino de o Farisi manga doomuino, ona gea ko yapakeua ma ngi ma eteteke dika abe hoka ngone utuoli, masara to ona ihiwoata la gea ma rupa ma amoko o nyawa yamake onangoka la genangino de ato o nyawa yahigiriiri onangika.” “De naa moioli yotobadiai, abe manga baju ma barene ma lawe yodiai la ikurutuku la genangino de hoka yomahingahu abe ka onangohi yaniiki itiai Ma Jou ai Pareta abe ma titi nanga baju. De hokogea ona yodiai manga bajuika ma titi moi dika, la o nyawa yamake de yahigiriiri onangika ma titi manga hininga bari Ma Jouika dika itagi, masara tanu to ona gea manga hininga hokogenangua.”
De o Yesusu wotemo onangika wato, “Ngini naa duru nihitihira nia wowango ma datoro o kia dika naga la niato iti o nyawa inimake de inietongo ato ngini nitotiaioka ho nikurutiye. Masara o kia dika abe o nyawa yaetongo ato duru ikurutiye, gea duru itorou Ma Jou ai himangoka. Ho Una kiani winioluku nginika angamoi Una winihioriki ti ngini nia hininga ma dola ma dorou.”
Ho mangale ma titi o Peturusu ai datoro gea ho hiadono nanga gogianongoru utu abe ona o Yahudi ma nyawa, onangoo ka yomakokiduruoka yomahihawo-hawo dika abe hoka o Peturusoli ai hininga hinooto. Ho onangoo imaketero hoka o Musa ai Pareta ma dihiraino gea yaniikoli. De gea ngaro o Baranabasoo, ma unangoo iwihirehenoka de womaaduru abe hoka onangoli yomatingaka manga gogianongoruino abe ko o Yahudi ma nyawaua ma titi ona gea ko yomahunauahi.
Masara Ma Jou witemo o Samuele ai hiningaika wato, “Ko unangua abe naa tiiriki. Ufa ngona natailako o Isai ai ngofa-ngofakika ka manga rupaika dika, eko ani hininga yadaene manga gurutiye dika, angamoi o Eliaba gea ko unangua tiiriki Ngohi. O nyawa manga biaha hokogea dika yatailako o nyawa utuika, de yahidotelega de yairiki ka manga rupa manga poretino dika. Masara Ngohi Ma Jou o Yawe hokogenangua tatailako, Ngohi tomalega manga hiningaika abe ipuda o kiaika manga hininga ma goronaka de hokokia manga hidee ma dumutu. Gea ena abe Ngohi tahidotelega la o nyawa tairiki ona abe ka idadi tapake.” Hokogea Ma Jou wihitararono o Samuelika.
ကြော်ငြာတွေ