Matiusu 23:20 - Ma Jou ai Demo-demo o Totobelohoka

²⁰ “Ho Ngohi tato ngaro o huhuba abe akelengauku Ma Jou ai Huhuba ma Ngioka de ngaro to Una ai Huhuba ma Ngi, masara hinooto gea ka moi dika Ma Jou ai himangoka. Ho ngaro o nyawa yomahibehehongo de manga koboto ma demoino de yofetongo ma Huhuba ma Ngi ekola yofetongo ma huhuba abe naga akelengauku genangoka, masara gea tanu ka imaketero dika manga demo ma dumutu.

Matiusu 23:20 ပူးပေါင်းရင်းမြစ်များ

Matiusu 23:19

Ho gea tinihiromangoli nginika tato ngini nia hiningaka nirafioka! Angamoi nako o huhuba de Ma Jou ai Huhuba ma Ngi, ka o kiahi ikurutiye? Gea kiani ma Huhuba ma Ngi abe duru ikurutiye, de nako naga o huhuba akelengaka ma Huhuba ma Ngioka, gea ahao ma huhuba idadi itebi-tebini Ma Jou ai himangoka mangale ma titi ena naga o Huhuba ma Ngioka. Masara nako o huhuba de ko akelengaua ma Ngioka, gea ko itebinua ai himangoka.”

Matiusu 23:21

De nako o nyawa yomahibehehongo de o koboto, de manga koboto ma demoino de yofetongo Ma Jou ai Tau, gea tanu imaketero hoka iwifetongoo Ma Jou abe womanoa genangoka, angamoi gea ko imakohowonua.

Ibarani 6:16

De hokogenangoo de Ma Jou ai behehongo abe wonahibehehongoka ngoneino. De ngone ka idadi duru hohioriki abe Una ahao wohingodumu ai behehongo gea ngoneino. De gea ka idadi tohitararono hokonaa. Abe nako hoka ngone o nyawa homahiketehibehehongo, gea to ngone ma hirete nanga romanga ko homafetongua, masara abe hofetongo, gea kiani o romanga abe enangohi duru ikurutiye. De nako ma romanga abe ikokurutiye de gea ena hofetongoka, de gea ibootokau ma behehongo angamoi gea ena ko idadiokaua haturuuru eko hawohanga ma behehongika.