Matiusu 22:24 - Ma Jou ai Demo-demo o Totobelohoka

²⁴ De ona iwitemo Unangika ato, “Mia Guru, naga moi mia leleha. Ma dodihiraka nanga tofora o Musa wohitulihuku Ma Jou ai Pareta moi abe itemo hokonaa, ato, ‘Masara nako womatengo woilakoka masara ko wamakeuahi ai ngofaka de gea wohonenge, ho ai dodotoli kiani womile ai riaka ngoi fao gea de ahao nako o ngofaka yamake yamuruono naga de o ngofaka gea hahiromanga to ai riaka ai ngofa-ngofaka la ufa ai romanga ihihanga.’ Hokogea itemo o Musa ai Paretaka.”

Matiusu 22:24 ပူးပေါင်းရင်းမြစ်များ

Dodadi 38:11

De ahao o Yehuda womihingahu ngoi hunungika o ngo Tamara wato, “Ngohi hunungu, marai ngona kiani noliohi la nogogere ani babaka de nofaoohi angamoi ahi ngofaka o Siela ko wobaluhuahi. Ho kiani o Siela wobaluhokahi de ahao unangoli wodadi to ngona ani rokata.” Hokogea o Yehuda ai demo munangika ho molio ami dimonika. Masara o Yehuda womieluku angamoi ko woigoua womihigogilaka de ai ngofaka o dodoto angamoi wohawana done ahao o Siela unangoo wohonenge hoka ai ria-riakoli.

Dodadi 38:8

Ho una o riaka wohonengoka de ahao ai baba wihuloko o Era ai dodotika o Onana wato, “Ahi ngofaka, ngona kiani ani riaka ngoi fekata nomile la muna gea nomihidadi to ngonali ngoni fekata. Nako to ngone nanga paretaka inahingahu ato nako naga womatengo wohonenge de ngoi fekata moilakoli gea kiani moilaka de ai ria-dodoto ma dutuoli. Ho ngona naa kiani nomile ani riaka ngoi fao. Ho muna gea o ngo Tamara kiani ngona nomihidadi ngoni fekata de ahao ami ngofaka o domoro una wodadi ani riaka ai ngofaka abe una ahao wamake o Era ai oara.” Hokogea ai baba ai huhuloko ai ngofaka o Onanika ho o ngo Tamara gea womile.

Matiusu 22:16

Ho ona yomaputuhu la ahao yahidingoto o Yesusika o nyawa abe o doomu hinootoino. Abe ma doomu moiino to ona ma hirete manga nyawa abe yatobanii-niiki ona o Farisi ma nyawaika. De ma doomu moioli gea o Herodese ai nyawa yamuruono naga. De ko yahidingotuahi de yadotoko onangika abe hokokia ahao kiani iwileha o Yesusika. Ho ona yoiki iwitutumu o Yesusu de yoleha Unangika yato, “Mia Guru, abe Ngona minihiorikoka Ngona natobagou-goungu ani demoino. De minihiorikoo abe Ngona nomidotoko ngomino Ma Jou ai mau de enangoo duru nagou-goungu abe ngaro hokokia dika idadi. De Ngona duru ko nairikua o nyawa.

Matiusu 22:25

“De ahao naga ma moiuku naga o nauru yatumidi, de gea ona o roria-dodoto ma dutu mata-mata. De ma riaka gea una woilaka masara ko wamakeuahi ai ngofaka de una wohonengoka. De ipaha de ai riaka widatekuku ai riaka ngoi fao unangoli womile,

Matiusu 22:36

“Ahi Guru, nako Ma Jou ai Pareta mata-mata ngoneino abe o Musa wohitulihuku ma dihira, o pareta o kiahi abe duru ikurutiye?”

Matiusu 7:21

De o Yesusu wogila-gilali wadotoko onangika wato, “Naga o nyawa manga ngoe yomahibaluhu Ngohino ho ihiahoko Ngohino ato, ‘Ahi Baluhu.’ Masara ko ma titiua o nyawa manga demoino hiadono Ma Jou wadafongo abe ma oraha wahikoano ai nyawa. De naa tinihingahu abe naga o nyawa utu abe ngaro Ngohino ihibaluhu masara ona dokena nanga himangika de Ma Jou ko wadafongua angamoi ko iwa manga hingounu. Ho ona dika abe yatobahingounu de yatobaniiki ahi Baba o Horogaka ai mau, ona gea dika abe Una ka idadi wadafongo.

Maruku 12:19

De ona iwitemo Unangika ato, “Mia Guru, naga moi mia leleha. Ma dodihiraka nanga tofora o Musa wohitulihuku Ma Jou ai Pareta moi abe itemo hokonaa, ato, ‘Masara nako womatengo woilakoka masara ko wamakeuahi ai ngofaka de gea wohonenge, kiani ai dodotoli woilaka abe de ai riaka ngoi fao gea de ahao o ngofaka yamake yamuruono naga de o ngofaka gea hahiromanga to ai riaka ai ngofa-ngofaka.’ Hokogea to Musa ai Pareta moi itemo.

Lukasa 20:28

Ho onangoo yoboa o Yesusino de ato iwileha moi Unangika. De ona iwitemo Unangika ato, “Mia Guru, naga moi mia leleha. Ma dodihiraka nanga tofora o Musa wohitulihuku Ma Jou ai Pareta moi abe itemo hokonaa, ato, ‘Masara nako womatengo woilakoka masara ko wamakeuahi ai ngofaka de gea wohonenge, kiani ai dodotoli woilaka abe de ai riaka ngoi fao gea. De ahao o ngofaka yamake yamuruono naga de o ngofaka gea hahiromanga to ai riaka ai ngofa-ngofaka.’ Hokogea itemo o Musa ai Paretaka.

Lukasa 20:33

Ho naa minileha, ahao abe ma oraha yohone-honengoka yokokimomikiye, ahao ma oraha gea de ma ngofeka gea to onaguna ngoi fekata, abe ma dihira o duniakahi de ona yatumidi yokokiilaka munangika? Hokogea mia leleha Ngonaika.”

Lukasa 6:46

De ma moioli o Yesusu wohiketero wato, “Masara ngini utu ko nihingounua ahi demoino, ho naa moi tinileha. Adodoa ho ngini nimahibaluhu Ngohino de nihiahoko niato, ‘Ahi Baluhu,’ masara ngaro hokogea de ngini ko nianiikua ahi demo nginika?”

Ruutu 1:11

Masara o ngo Naomi mafikiri done ko yamakeokaua manga rokata ho mahigaro onangika la yolio mato, “Ngohioo tamao hoka ngohi ora ngini, masara koaho ngini nikokilio. De angamoi nia roka-rokata ko iwa manga dodoto ho done ma titi o kia ho hiadono nihiniiki ngohi? Sarakia ngini niafikiri ngohi ka tamakeohi o ngofaka abe ona ka idadi ahao yodadi nia rokata?

Ruutu 3:13

Masara ngaro ufa nolio o futu naa, ka idadi ngona nenangoka dika nomaidu hiadono ngade-ngade itebini de ahao nolio. De nako una ahi gianongoru gea, ahao o ngorumino de ahao titutumu unangika la hohioriki nako una woigo wodadi ai dutuika o bobangu la woniduhunu. Abe nako una wato ai tagongo ngona ai dutuika gea wale, gea ahao una wodadi ani bobangu. Masara nako una woluku wodadi ai dutuika o bobangu de ahao gea ngohi tonihibehehongo ngonaika tonibangu abe tonihidadi to ngohi ngohi fekata. Ma Jou o Yawe wowango-wango ho Una wohihioriki abe ngohi tagou-goungu tonihibehehongo ngonaika naa.” Hokogea o Boasa womihibehehongo o ngo Ruutika.

Ruutu 4:5

De ahao o Boasa wihingahuoo wato, “Irahai Gianongoru hokogea, iti nohiorikoo abe nako o ngo Naomino ma tonaka gea nomaija de ahao ngomi hunungu o Moaba ma nyawa, o ngo Ruutu, gea munangoo kiani nomile. Angamoi hokogea nanga pareta ma hiaturu la muna mamake ami ngofa-ngofaka abe yodadi ami rokata wohonengoka ai duruuru, de ma tonaka gea idadi to ona manga oara.” Hokogea o Boasa utuohi wihitararono ai gianongoruika.