Matiusu 22:23 - Ma Jou ai Demo-demo o Totobelohoka

²³ De ahao ma wangeoka gea de nagali o Saduki manga doomuino ma nyawa yoboa o Yesusino. De nako o Saduki ma nyawa ona yotobadotoko abe nako o nyawa yohonengoka de duru ko idadiokaua yomomiki manga honengino. Masara naa onangoo yoboa o Yesusino de ato iwileha moi angamoi yoigo ihititi genangino la hiadono iwitae o Yesusika.

Matiusu 22:23 ပူးပေါင်းရင်းမြစ်များ

Matiusu 16:6

De ahao o Yesusu wahitiari onangika ma titi o nyawa manga dodotoko wato, “Ngini kiani nihidodiai o Farisi manga doomuino ma nyawa manga ragi de o Saduki manga doomuino ma nyawa manga ragioo kiani nihidodiai.”

Matiusu 3:7

De ma oraha gea naga o Yahudi ma nyawaka o doomu moi abe yomahiromanga o Farisi ma nyawa de o doomu moioli abe yomahiromanga o Saduki ma nyawa. De ona abe ma doomu hinootoino gea onangoo yoboa o Yohanesino la ato una waohiki onangika. Masara ka de o Yohanese wamake ona gea yoboaino de duru wataere onangika wato, “Ho ngini naa done sarakia nia hiningaka hiadono niboa la niato tiniohiki nginika? Angamoi ngini nimaketero abe hoka o dodiha iloara o ukuoka de aino, angamoi ngini niato Ma Jou ai hohowono ma uku nginika ka idadi nimahitingaka genangino iti ngohi tiniohiki. Masara ngini nia hiningaka de nimadokangeluku dika ho ko nianoaua nia howo-howonino gea, ho gea ngaro nimaohiki ma ko idadiua iniduhunu Ma Jou ai himangoka ma gogohiki gea.

Hidingoto 4:1

De abe ma oraha o Peturusu de o Yohanese yotemo-temo manga gogiriakahi o nyawaika de naga yoboa onangino o Isiraele ma nyawa manga hihira yamuruono naga. Abe utu o hidemo ma nyawa Ma Jouiye de utu o Saduki ma nyawa manga doomuino, de nagali womatengo abe yotobagoa-goana Ma Jou ai Tau manga haeke.

Hidingoto 5:17

De ipahaino de o Isiraele manga hidemo ma nyawa Ma Jouika wokokurutiye una woihenino abe ma titi ma heheranga abe o hidingoto ma nyawa yotobadiai. Ho una de ai dodiawo, abe ona o Saduki manga doomuino ma nyawa, ona duru yalufungu de manga daleana.

2 Timotiusu 2:18

De ona gea yahinooto yomahirehenoka o abari ma gou-goungino de hiadono o ngeluku ma demo yadoto-dotoko o nyawaika. De gea ona yadotoko o nyawaika ato bari ko iwaka nanga momomiki nanga honengino, angamoi o momomiki gea ipahakau, ho ahao ngone ko homomikuali. Hokogea manga dodotoko o nyawaika. Ho mangale ma titi manga demo ma homoa gea ho hiadono o nyawa manga ngoe duru yopusingi hiadono doka manga hiningaka de ko ihiorikokaua ho done o demo o kia ahao yairiki de yangaku enangika.